|
#1
10-15-2015, 11:23 PM
|
||||||||
|
||||||||
ماودعونه راحو اهلنه بعيد ماودعونه.؟الى العليله ع
ماودعونه راحو اهلنه بعيد ماودعونه..من واعدونه لينه يرد مرسال من واعدونه
الاكبر يرد ياناس..لو يرجع العباس من واعدونه ..ما ودعونه &&& ظلت امانه وياك يالرحت ماجيت..مرعوبه الجلمات تندب بهل البيت سكته وبعالي الصوت من صحت ناديت..وين اخوتي والكوم يابويه حنيت دكت يبويه اجراس.. لو يرجع العباس من واعدونه ..ما ودعونه &&& حال اليهيم ايموت لو فرت الروح..لن كلبه يصبح نار تتراكم اجروح بالحسره والاهات يكظيه وي نوح..حمله بقى عل الكاع والحمل مطروح صعبه يدنك الراس.. لو يرجع العباس من واعدونه ..ما ودعونه &&& حمل العليه اهواي واهمومه اثكال..مثل الجبل عالروح صعبته لو مال والبعد لو وصفوه ندريبه جتال..والغايب عل العين اغياب لو طال من توصف الاحساس.. لو يرجع العباس من واعدونه ..ما ودعونه &&& ظلت وحيدت دار وتعاين البيت..تنعى وتصيح ابصوت اهنا ياللي خليت ميت جرح بالروح واكثر العديت..منهن جرح بالروح وبسكته شديت منهن صعب منجاس.. لو يرجع العباس من واعدونه ..ما ودعونه &&& يمته يرد للدار واسمع حجيهم..محلاه لمت البيت وطبت وليهم واكعد وي الاحباب ايدي بديهم..وتبجي بجي مهظوم روحي عليهم خل يسمع النوماس.. لو يرجع العباس من واعدونه ..ما ودعونه &&& خادم اهل البيت ابو علي السعيدي 
|
 |
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
|
|