الى ام البنين ع والى سيدتي ومولاتي زينب ويوم الدفن اقول (397)

الى ام البنين ع والى سيدتي ومولاتي زينب ويوم الدفن اقول
(397)
&&&&&
(1)
تطالب بثار الحسين..اتصيح انه ام البنين
مني طاحو اربعه.. ماحضرت الفاجعه
ولاحضرت المصرعين
&&&
انه ضحيت بحياتي..لااجل نور الطيبين
وانذرت ياعمري كلهه..فدوه لروح الحسين
اربعه الاولاد عندي..والاسم ام البنين
فدوه اروحن للزجيه..وفدوه لنسل الامين
والحسين ومرضعه..امه ليه الشافعه
انه بكلبي الحنين
&&&
من زغرت ربيت يبني..وردت وياك العمر
كلبي ملهوف وينادي..بيك يحسين بصغر
انت ياسلوة حياتي..ردتك ليوم الكبر
انه من الله اريدن..يبني ومنك عذر
كالو عل المشرعه..جفه طاح بمصرعه
كلبي يبني هالحزين
&&&
الاثر يبني بكلبي..ومااظن هم ينجلي
ياابن سيد البريه..ياابن حيدر علي
نصبك ربك علينه..وانت من ربك ولي
افدتي الاولاد دونك..وافدي كلهه هلي
يبني صعب انودعه..كلي منهو اليجرعه
ابدا ماننسه السنين
&&&
الامل بالله ورسوله..وربك انطه للعباد
الصبر كال لنبيه..وصى بيوم الشداد
انه اعليكم انوحن..والبس اهدوم السواد
اي وحك امك الزهره..اكظي عمري بالحداد
ايدي تبقى مشرعه..ربي مرفوعه بدعه
تنادي الزهره الامين
&&&
الاشد اثر حياتي..من دخل ناعي المدينه
يصيح هوه بعلو صوته..راح ربان السفينه
من عرف مني شريدن..صاح يرثني باأنينه
كال ابو فاضل تركته..جثه جفه مكطعينه
جفه يمه مكطعه..نايم عل المشرعه
مبتره منه اليدين
خادم اهل البيت
ابو علي السعيدي
&&&&&&&&&&&&&&&&&&
(2)
كوم عين ام البنين بنوحهه
صيح يم حسين طيب جروحهه
***
كوم عين ام البنين بهل المساء..وعزي انت الفاضله بهذا الدعاء
صيح يم أحسين ياأم الوفاء..هيه لااجل حسين ترخص روحهه
***
هاي ام الاربعه ام البنين..ضحت وكالت فدوه للحسين
انذرت روحي أوولدي للامين..تدري باسم حسين اطيب اجروحهه
***
تدري باسم حسين لو انت اندبت..يوم هول وانت بالشدت طحت
وارفعت ايدك والهه اتوجهت..وارفعت ايدك تنادي بسوحهه
***
لو شفت مره ويدناك الالم..صيح يم حسين احلفج بالقيم
وبجفوف الحيد شيال العلم..لازم العليه باسمهه اتلوحهه
***
هاي أم انضرب بيه احسن مثل..طاهره ام البنين من الزلل
هيه ندري الكافله ومنهو الكفل..جان بس حسين هيه طموحهه
جان بس لحسين اتزيد الدلال..من زغر بالبيت تخدم بالعيال
انه انضرب من عندي مثال..تكوم لحسين وتكف من روحهه
***
تكوم لحسين وتكف وي الجنين..جان ابو فاضل بعده بس انين
يكله يمه ليش ياام البنين..تكله اخوك اللي الامر نص بوحهه
***
تكله اخوك اللي امر كال القيام..كوم يمي انهضي لسيدي الامام
هذا ابن خير الناس كله والانام..هذا ابن سيد النسه وارماحهه
***
هذا ابن سيد النسه وامه البتول..وجده طه المصطفى وابن الرسول
او والده حيدر علي فحل الفحول.. هوه نال العاليه المحد لاحهه
***
خادم اهل البيت
ابو علي السعيدي
&&&&&&&&&&&&&&&&&&&&&&&&&&
(3)
جنت بحماهم مامر عليه الظيم جنت بحماهم
واتبع خطاهم مرني يحادي النو ك واتبع خطاهم
***
ريض ياحادي النوك عندي وصيه
بلكت تمر مناك للغاضريه
واكعد اكبال الجود ذيج المسيه
وابچي بچي عل حسين والبيه بيه
مااظن نساهم كلبي يون لليوم مااظن نساهم
***
ريض ياحادي النوك عندي وصيتين
وحده لكمر عدنان والاخره لحسين
ارد انشد العباس عن جوده والعين
من شافه ابو السجاد ابلايه جفين
واسمع بجاهم حسين وحضن عباس واسمع بجاهم
***
ريض يحادي النوك مرني عل اخوتي
حسره الي بالدلال واعلن شكوتي
يمه اكعد وارثيه وبعلو صوتي
وين الكفنلي اليوم مو كربت موتي
واندب وراهم واصرخ واصيح بصوت واندب وراهم
***
مرني يحادي النوك للمشرعه وياك
ارد ابجي عالعباس يم النهر ذاك
اندب واصيح ابصوت ياخويه جيناك
الشمر يحدي وياي من عكب عيناك
حامل لواهم عل المشرعه مطروح حامل لواهم
***
من عكب عينك صار اظلم محلنه
باب ولعد لحسين وانته بالجنه
يالعل نهر مطروح كوم افتح النه
جيتك يخويه اليوم جدمي تعنه
محد رواهم من عكب جف عباس محد رواهم
***
ياابو الفضل جيناك وا شكي العليه
كوم افتح النه الباب يبن الزجيه
جيتك يخويه اليوم زينب سبيه
جفك يبعد الروح تفديه اليه
دمعي دواهم جفوفك ياابو الكلفات دمعي دواهم
خادماهل البيت
ابو علي السعيدي
(4)
شحال زينب هالمسيه..تودعه ابن الزجيه
&&&
تودعه زينب اخوهه..تبجي مهمومه اسمعوهه
باجر الكوم السبوهه..تحضرت هيه سبيه
&&&
تحضرت هيه تصيح..وين جدي والمسيح
باجر اوكف عالذبيح..باجر انشوف المنيه
&&&
باجر انشوف الخيم..تحترك وي العلم
الليله دلالي انظم.. كلبي ناره تظل سريه
&&&
كلبي مهموم عل خوتي..الليله بيهم كل رجوتي
اتمنه كون ويجي موتي..ولا اخوتي عل الوطيه
&&&
لا اخوتي البقو يمي..بويه منهو يشيل همي
الليل من انهدر دمي..واصبحت لن خارجيه
&&&
اصبحت وحيده وكفيله..بويه مهمومه وعليله
منهو يابويه أشتكيله..وين حمامي الحميه
&&&
وين حماي الدخيل..البقه بس العليل
بعد عينك يالكفيل..دارت الدنيه عليه
&&&
دارت الدينه بهله..دمعتي يابويه هله
عيلتك منهو كفلهه.. ثكل ياحمل العليه
&&&
ثكل ياحمل الكفلته..غصب يابويه حملته
واجب علينه انه شلته..انه الحره الابيه
&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&
(5)
خل تطلم شيــعتي يعــزوني.. من دفنت حسين نور عيوني
&&&&
من دفنت حسين يااعظم مصاب..ناحت اركان السمه مثل الرباب
يلالله ياشيعي سمعني الجواب..من تصيحو بااسمهه اتبجوني
&&&&
عيوني تبجي مثلك تهل الدمع..وينزف الدلال دم ومنشلع
اليوم ابو الزهراء يبجي منفجع..يوم شاف العده ويسبوني
&&&&
يوم شاف العده تحرك بالخيم..وشاف جف الطاح ماهد العلم
وشاف جبد حسين وبنصه السهم..صاح صوت اشلون ويفجعوني
&&&&
صاح صوت وتسمعه كل المله..وناحت اركان السمه وبكربله
كال زينب تنسبي والعايله..والاطفال اشكثر ويألموني
&&&&
هجت الاطفال بهاي الارض..اليوم يخواني من حل الفرض
نلطم عالراس بيهم ونتعض..من ابو السجاد درس انطوني
&&&&
يادرس عباس وبيوم الطفوف..يوم صال عالعده فرق صفوف
السهم بالعين وانطاهم جفوف..وبعزاكم شيعتي تذكروني
&&&&
خوة العباس هاي احسن مثل..كتبت التاريخ في اروع محل
بيه نكر الذات خالي من الزلل..اليوم حلت دفنته راويني
&&&&
خادم اهل البيت
ابو علي السعيدي
&&&&&&&&&&&&&&&&&&&&&
(7)
ابوذيات لمولاتي العقيله ع اقول
زينب والوكت خوتي..بيا دار
وهمي جل الجبل صاير..بيا دار
يهل تسال عل حالي..بيا دار
اسيره معلعله وكلساع بثنيه
**********
اسيره معلعله لاوين ..ماوين
عكب ماجان عندي ذره..ماوين
كتمت الصبر وي الصوت..ماوين
وصرت جلمود بعين ابن الدعيه
************
زينب والدهر شبجه..علي دار
ناحت هالسمه مثلي..علي دار
لون ساعه الحضر بيه..علي دار
يشوف الحال ساعته اشبديه
************
الهموم العلعلت حالي..ولكدار
وعليكم وجهي اصدنه..ولكدار
اخبرك لاابن باقي..ولكدار
تون بفركتك مثلي شجيه
************
اصبحت مهمومه وبهمك..وكل الدار
عباس الكمر خويه..وكل الدار
جفيت وماردت ارحل ..وكل الدار
كفاه وابعد بونه خفيه
************
الوجع والحسره بكليبي..ولم دار
عل روحي الحزن غطه..ولم دار
أبيتي طاحت اعيوني..ولم دار
حرت شحفظ شلم بالدار اليه
************
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&
(8)
عين المابجت لحسين ..مانتعاتب وياهه
&&&&
عين الماتهل ادموع..كون الدهر يطفيهه
وبنار القضى وتيزاب..احركهه واجويهه
جاشلي بعد بالعين..مو عيني اسميهه
عساها تنعمي للدوم..ويشح النظر بيهه
هاي الزهره حزنانه..تصيح بصوت ويانه
عين المابجت مرتين..كون العمه يبلاهه
&&&&
خل دمعك عل الوجنات..كونه ينزل بسرعه
لو تسمع يصيح حسين..اتصور حالة البضعه
زينب نادت العباس..تشوف جفوفه متكطعه
حال ام الحزن هاليوم..لااخوه شلون وتودعه
هاي ادموعي لهفانه..عليكم هيه هيمانه
عين المابجت بونين..ريت وتفكد اضواهه
&&&&
كطرات الدمع نوعين..وبيهن سبيل والغايه
دمعه تنزل عل احباب..منك سامع احجايه
ومرات الدمع ينزل..غصب بالعين دمايه
تذكر عطش الاطفال..وجفك حامل الرايه
هذا الدمع عنوانه..فتح للخوه بيبانه
عين المابجت عباس..ريت الحزن يسلاهه
&&&&
عين المابجت بااحزان..ولاحسره ودمع بيهه
بتراب واطمهه اليوم..واخلي تراب يغطيهه
بدل جبدك سهمه يصير..سهم البين يرميهه
ودمعك لو نزل كطرات..حتى الباري يحميهه
عين البجت حزنانه..حتى الباري ويانه
يحميه عمرواسنين..رب العرش يحماهه
&&&&
خل الشوف منه ايروح..مااريدج بعد يالعين
عين الماتنوح عليك..ولا تبجي دمع لحسين
ريت العمه يلفاهه..ويطكه بالعمه هل البين
ويروح الشوف من عدهه..موحده كون اثنين
حتى تصير جزعانه..وتبجي كون لبجانه
ويكحل دمعه اجفون..وكون اتشوف محياهه
&&&&
خادم اهل البيت
ابو علي السعيدي
&&&&&&&&&&&&&&&&&&&&&&&&&&&&&&&&&&&&&
(9)
حضرت اليوم ولدفنت ابونه..رغم كل البعد واللي امنعونه
عليل وجيت عناي..دفنت بأدي مولاي
وكعدت ارثي الكبر عالفاركونه
&&&&&
جاباني القدر اطوي الفيافي..ويم جسمك يبويه شفت حراس
ولكيت اجساد كثير عالوطيه..وشفت يم النهر اجفوف عباس
صحت عزة عمامي ساكي الماي..واختلطت انفاسي ويه الانفاس
وكفت عالشريعه وشفته الماي..وخاطبته ولمست بمايه احساس
حزين بكثري هالماي..وصوته جن عزف ناي
وحلف بحسين هل تمهل عيونه
&&&&&
شفت جابر اجه زاير للحسين..حزين بكد محبته ويهمل العين
كام بصوت خافت عزه وياي.. وتذكر هالمصايب مرة اسنين
حمد ربه وتذكر دارت ايام..جان وي البطل واكف بصفين
واليوم اعتنه حافي ويزورك..وصارت للبشر عاده الماشين
خل الشيعيه وياي..خل تبجي عل مبجاي
ويصيح بصوت يحسين بشجونه
&&&&&
عاينت الاجساد موذره هناك..وحارت هالبشر واليدفن شلون
لااراس التعرفه والجسد وين..وظلت عالوطيه تهمل عيون
تريد الحل دفنه شلون مولاي..وشفت واحد ركض للي يعزون
بشرهم قدومي وعرف جابر..ومن عنده تغير حاله واللون
صاح بصوت شجاي..هلا بيكم يمولاي
حمد الله عليه وفك عيونه
&&&&&
جابر طاح من حضرتهه لحسين..ينحب والدمع غركه هالعين
يصيح بصوت يمولاي وينك..شجي وبيه حسراته والونين
كعد يم الضريح يهيل التراب..ومن تراب لحده عفر جبين
ندب حيدر وصاح بصوت للحيد..ياسيد البشر جدك وللدين
ترابك هو حناي..يشفي الراح والجاي
ياباب الشفاعه اللي يجونه
وكفت اعليه يوم تواره التراب..وصحت عباس وينه عمي الحيد
من يم الشريعه جبت الجفوف..ودفنت الجسد مامش بيه كل ايد
حرت شوصف لعمتي زينب بهاي..عن عباس مني هيه شتريد
تكلي عالجفوف وسهمه بالعين..مدفنهن سوه لو كلمن بعيد
عرفته منه الراي..يوم ايصير ملكاي
تعاتبني عليه عمتي الحنونه
&&&&
خادم اهل البيت.
.ابو علي السعيدي