صحنه كلنه بصوت أيا العسكري؟لذكرى استشهاد الامام الحسن العسكري ع اقول

صحنه كلنه بصوت ايا العسكري..الحجه هذا اليوم يشهد منظري
يشهد علينه..شكد تاذينه
من ظلم ذاك الوهابي السامري

صحنه كلنه بصوت واسمع النداء..انعزي قائمنه واصحاب الكساء
اليوم بينه شكثر من حل البلاء..هدمو صرحك ياأبن الاولياء

كصده يمحينه..الك حبينه
احنه حبيناك مثل الشاكري

احنه حبيناك من جنه جنين..وانذكر اسمك بهمسات الانين
وانعجن مولاي وبدم السنين..نصيح احنه بصوت ياابن الحسين

هذا ماضينه..البيه تغذينه
من حليب امي الحسيني الطاهري

من تمر ذاكراك نتالم صحيح..نذكر امصاب الجره ابيت الذبيح
الكلب مهموم محزون وجريح..الك يامولاي بهل الجلمه نصيح

الك حنينه..ودمع هلينه
تنزل ادموع الموالي الثائري

تنزل ادموع الحزن بكل الجهات..وترثي قائم امتي بسفن النجاة
احنه من المهد نوصل للمات..ابدا ماننسه لو تعذبنه الحياة

ابدا مانسينه..هذا دم والينه
هذا حوض الجنه هوه الحائري

يامصاب العسكري وسم الرسول..والجره عل الزهره وظلع البتول
والطبر هامت علي فحل الفحول..هاي سيره انكتبت بدم الاصول

شفنه جفينه..وسهمه بعينه
هذا حكم ابن الدعي والجائري

هذا حكم السنن والشرع العظيم..كل سنه وكل عام هالمأتم نقيم
وبمصاب العسكري اليوم الاليم..انظر بعين العطف وكلبك رحيم

الجره بينه.. من اعادينه
من زمن اسود بينه غابري

خادم اهل البيت
بو علي السعيدي