يجابر الانصاري..اسمع خبر زواري؟لسان حال الامام الحسين ع اقول

يجابر الانصاري....اسمع خبر زواري
مشايه جوني عالوعد..مابيهم الينقظ عهد
من مختلف اعماري

يجابر ارويلك خبر..بيه الدورس من العبر
وانكتب بكتاب السير..مخطوط وبلوح القدر
والله ونبيه من شهد..وشهوده زاوري الوفد
كلمن كصد ولداري

ياجابر اللي اعتنه..جنه يهرول وبمنه
اعوام تحسب للسنه..والخطوه حجه عندنه
الاف والاف العدد..واحدهم وجنه اسد
كل المدن وامصاري

لوعاينت انته وشفت..يوم الزياره من زرت
وعل ضريحي من طفت..جامثلي انته اتاثرت
حتى الرضيع البلمهد..معتني كاصد انوجد
شفته يطالب ثاري

بالركضه ياجابر الي..شفت الزجيه وي علي
والحجه يحمل محملي..ويصيح ياثار النبي
وهناك كلشي انعقد..الثار وي صوت الرعد
وعيني تشوف الجاري

عيني تشوف المعظله..وزوار جت لكربله
تلاكي هيه القافله..دخلت عليه للمله
ماتنسى ذكري للابد..لن دمي لسه مابرد
منه تفيض انهاري

امسح دمع كلمن مشه..من الصبح لحد المسه
وبجيته ليه وفه..وناري البكلبي من طفه
بجبدي اللي انمرد.. يلطم يعزي هم بعد
والوفه بيه اسراري

ياجابر انقل رغبتي..وصيه مني لاامتي
يوم التجي لزيارتي..عليهم اهلن دمعتي
ودمي يفور وماجمد..وانه شفيعه والسند
ويسجل وي احراري

خادم اهل البيت
ابو علي السعيدي

ربي ايبارك في جهودكم

احسنتم كثيرا


عظم الله اجوركم واجورنا بمصاب ابي عبد الله الحسين ع

لكم منا دعاء بالعافيه

والتوفيق ان شاء الله

تحياتي ودعائي