جينه يمكم يا شريج الروح

جينه يمكم يا شريچ الـــروح == خويــــــه جينه غربه والگلب مجروح == خويــــــه جينه شفنه مصرعك == جينه كلنه انودعك جينه غربه والگلب مجروح == خويـــه **************** يا درب الاخذ اشواط من حزني == اجيتك يا عزيزي او وكتي حيرني مشينه دروب كلهه الام وهموم == وما بين الضرب ما بين ليسبنـــي صحت وين الچفيل البطل عباس == ليش انته جبتني گوم ردنـــــــي ترضه الناس تتندر علينه اليوم == وسياط الكفر لاحن تره ابمتنـــي يمك اجيت اني اشتكي الــيوم == خويـــه من متني شوف اتسيل لدموم == خويـــه والعيال مطشره == كلهه متوسده الثره جينه غربه والگلب مجروح == خويـــه *************** اجينه لكربله وطبينه گــــــاعك == ويم گبرك يبو اليمه گعدنـــــــه صار اعتاب يمك يا عزيز الروح == ومن غيرك يخويه ايريد ودنــه وحده اتصيح يا روحي وحياتي == وسكنه اتصيح يا بويه دردنـــه او وحده اتشيل من الگبر تربان == وتنشد وين والينه او وعدنــــه دوله اتصير النه وبيهه نرتاح == خويـــه اثاريه انچتل بسهام وارمـــاح == خويـــه والخيول الداسته == فوگ صدره وعبرته جينه غربه والگلب مجروح == خويـــه *************** وسكنه والحزن صارن شرايچ == بلا راي او فكر اتشوف چنهــه مابين الابو وبـين الاطايـــــــب == وعمهه الزين ذاك الراح منهه يسليهه ويباريهه بحياتـــــــــه == راح اليوم گلي اشلون عنهـــه وحضنت تربتك يا خويه تبچـي == يمك زاد واللــه وكثــــر ونهــه ونهه اشلون چن ون الحمامه == خويـــه تگله يا فخر صرنـــه يتامــــــه == خويـــه بحسره لمن نادتك == وجرت بمصيبتك جينه غربه والگلب مجروح == خويــــه ************* درنه الراس صوب البطل صحنه == گوم اليوم يا مهيوب واسمـــــع وظن كل الطفال اتصيح عمــــــي == گطعت الگلب والعيـــن تــدمــع هـــــذا المــاي بعــدك ما نريــــده == رد اچفوف زندك عمـي وارجـع يا ذخر الحسين وذخر زينـــــــب == ماريد الحياة ولگــدر اهجــــــع ما نقبل تصير الغبره دارك == خويــــــه واتمنه اصير اليوم جارك == خويـــــه اشلون ظمك هالگبر == كون اگدر واصطبر جينه غربه والگلب مجروح == خويـــــه ************* ماادري بحلم مدري بحقيقه == شفت امي يا خويه اتعثــــــــــر شفت هودج ينزل يمك هناه == ضوه الكون كله وصار يزهــر لن جدي محمد حيدر ويــاه == نصبوا مأتمك والنار تسعـــــــر وبعد منظر شفت يحسين يمي == الله اشعجيبه بهيچي منظـــــــر شفت الاف من امــلاك والحور == خويـــه شفتهه اليوم كلهه بگبرك ادور == خويــه والگلوب اموجره == والعقول الحايره جينه غربه والگلب مجروح == خويـــــه ِ