عبد الله حن صدري الك درن ثداياي ---- فائزي

للاربعين -- فائزي --

--

--

--

عبد الله حن صدري الك درّن ثداياي -- يبني اشجنيت وتنحرم من شربت الماي

--

عبد الله هاي امك أجت ودوّر اعليك -- دّرن ثداياها الك وتريد ترويك

وين انته وين ابيا لحد يوليدي تلگيك -- عافتك هيه ومن مشت لافكر لاراي

--

عبد لله مهدك محترگ بس انته لاوين -- رجعك أدري للخيم ايهل دمعته حسين

لاچن بعد ماشافتك يوليدي كل عين -- ياذنب عندي وخظفتك من ايدي دنياي

--

رديت جفني امن السهر والبچي ذبلان -- أعليك أمك أشگد دوّرت ماخلت أمچان

عبد لله بعدك بالظمه يوليدي عطشان -- مو جبت ماي أمن اليسر يوليدي وياي

--

عبد ألله ياريت الوكت يرحم بأمك -- ويصير لك حظني مهد يبني واشمك

ومن تغفه بضلوعي رغد اتنام وأظمك -- يامهجة أمك يالچنت يوليدي سلواي

--

عبد الله صبر أمك وگع ماظل بعد حيل -- من يوم عنك من مشت مانامت الليل

تعبّها يوليدي الحزن والنوح والويل -- حرموني مدري اليا سبب من عندك اعداي

--

يوليدي ادعي عالذي حرموني منك -- بعدك رضيع او تنذبح من زغر سنك

أم اومرضعه وأحملت هالألم عنك -- آلامي زادت وأشكبر يوليدي بلواي

--

سيد عدنان الحمامي