يم الوفه يم الشجن انتي الوطن؟الى سيدتي ومولاتي العقيله ع اقول

يم الوفه يم الشجن انتي الوطن
.شفتي المحن يم الشجن انتي الوطن
اسمع عباس الناداني..يفكر بيه وماينساني

يم الوفه انت السور..تحملتي انتي اليجره
تحملتي يانفس الالم..الضاكته نفسه الزهره
وعليج لن دار الزمن..مل الزمن من صبره
مرفوع راسج بالعلا.. رغم الظلم والجمره

رغم الالم..يم الشجن انتي الوطن
صرتي علم..يم الشجن انتي الوطن
عباس الكافل عنواني ..يفكر بيه وماينساني

يم الوفه يم الحزن..صامده رغم الاشرار
شوفوج انواع الظلم..واصبرتي صبر الكرار
غذاج حيدر بالعلم..ومعروفه ياهاي الدار
تنبع فضله للبشر.. دار النبي المختار

بنت الولي..يم الشجن انتي الوطن
طيبت علي..يم الشجن انتي الوطن
عباس الحارس بيباني..يفكر بيه وماينساني

يم الوفه يم الصبر..تكفلتي انتي الاطفال
عينج تعاين عالظعن..ومحروك بيج الدلال
تشوفين حال الواقعه.. الغيرت بيج الاحوال
شلتي احمولج بالصبر..واحمولج هواي ثكال

حمل الجبل..يم الشجن انتي الوطن
انت الامل..يم الشجن انتي الوطن
عاهدني الكافل يرعاني..يفكر بيه وماينساني



يم الوفه انت السور..والظعن صاير بحماج
ترعين اطفال ونسه..ورب العرش لن يرعاج
وصاج حيدر من رحل..معروفه بيمن وصاج
كالالج اعرفتي الخبر..يطيح بيه الكفلاج

طاح الكمر..يم الشجن انتي الوطن
الظهر انكسر..يم الشجن انتي الوطن
والزاد بيه احزاني..يفكر بيه وماينساني

يم الوفه يخت حسين..احزانج زادت هل اليوم
فاركتي العباس الكافل..لن حالج صبح مهظوم
اكرهتي الدنيه وعيشته..وفاركتي الراحه وي النوم
اهموم الصارت وبكلبج..اهموم أتعايش بهموم

بيج الصار..يم الشجن انتي الوطن
حزن الدار..يم الشجن انتي الوطن
عباس اليفدي أخواني..يفكر بيه وماينساني

يم الوفه اتصيح الثار..وتطالب بجفوف الكافل
عينه العباس وي جفوفه..للباري تناشد وتسأل
ربي اقتص من الكفار..بحكمك ياربي العادل
حكم ايزيد ابن الفجار..هذا المجرم وابن القاتل

نوح وحزن ..يم الشجن انتي الوطن
راح الامن..يم الشجن انتي الوطن
يايمه اهواي الاذاني..يفكر بيه وماينساني

خادم اهل البيت
ابو علي السعيدي