يبني احجيلك روايه..استمع حتى النهايه؟لسان حال ام البنين ع تخاطب الامام العباس ع اقول

يبني.. يبني
يبني احجيلك روايه
استمع حتى النهايه
اسمع بقصتي وي ابوكم..رادك اتحامي عل اخوكم

وتقهره بشده عدوكم..وحلمي جان من البدايه
احلمت يبني بشبابي..الكمر طاح عل بابي
وارتمى بحضني وثيابي..وارتمى بحضن الولايه
عاهدت نفسي ودليلي..الحلم صاير بديلي
واصبحت الهم كفيلي..يبني في علم المنايا
وأرفضت كلمن خطبني..بس وليه اللي عجبني
بالحلم سرهه علمني..وجان مضمون الوصايه
اربعة اولادي عندي..والكمر يملي مهدي
بالجفوف الخوه يفدي..وباس جفك هاي غايه
علمك هو علومه..ودربك من دون كومه
يعرفك تحمل همومه..وانت لزينب حمايه
انت اتسير بخدرهه..وتوكف بوجه الغدره
ادوس اخطار وجمره..ادوس انت عل المنايه
يبني بلغني امامي..حيدر بااول كلامي
وسمه الكم هالاسامي..وانت حامله الرايه
واعرفت يبني المصير..حسين يبقى بلانصير
عليهم انت من تغير..انت يالبيك الكفايه
بيه تتبتر جفوفك..ويوكف حسين ويشوفك
ينكسر ظهره ويعوفك..هذا خاتم هالروايه
راسك يشيله الحسين..حيل مهموم وحزين
يصيح ياام البنين..كومي تعزي وياي
خادم اهل البيت
ابو علي السعيدي

السلام على سيدتي ومولاتي
الطاهرة ام البنين ع

قصيدة غاية بالروعة
طيب الله انفاسك
واجرك على ام البنين ع