شلون الهاشميه..تطب ديوان اميه؟ الى الحوراء ع مع السبي اقول؟

شلون الهاشميه...تطب ديوان اميه
طبته عجيبه..بعد يوم المصيبه
هاي امهه الزجيه

خطبت بالمله وتفضح امرهم
تخاطبت بالحجي ذلت وشمرهم
كيد شما تكيد انته بااسرهم
بعد للحين ماغايب كمرهم

منه الجف كطيعه....مهمومه الوديعه
يبن حامي الحميه

خويه انه العقليه اسمع كفيلي
محتاره بحرم خويه وعليلي
من بعدك حرت منهو اليجيلي
اصيح بصوت وتفتت دليلي

دليلي بسرعه انعاب.. هموم وثكل المصاب
من دارن عليه

اعاين عالوجوه نشوفه هالناس
أشوف وجوه معدومه من الاحساس
يتشفه اللئيم يقدم الراس
يضرب بالثانيه وصحت عباس

ريتك خويه اتشوف..وريت انطيك الجفوف
تشوف الجره ليه

كلبي من الهموم توصل اوصال
حملت من المصايب ثكل الجبال
ريتك حاضر وتنظر عل الحال
شفت من السبي انواع الاهوال

وشفت ظلم السبايا..وانواع البلايا
وشفت هم واذيه

قارعت الظلم كل الطواغيت
وعله صوتي عليهم حين ناديت
بااسم جدي وابوي انه تعليت
ماهمني الضرب يوم التعنيت

بس الهمني اثنين..يوم الصحت يحسين
وصحت راعي الحميه


خادم اهل البيت
ابو علي السعيدي