ذبيح الله

تهلّ العين * على ابني حسين * ذبيح الله ---------- آنه ام البنين آنه - آنه الدهري عذبني أنه الأربع درر عندي - لچن بس الحُسين ابني ابمصاب اولادي ما هميت - مصاب حسين شيّبني آنه امه وعليه اصرخ - عسن ذباحه يذبحني ابدمع وونين * على ابني حسين * ذبيح الله ---------- فديته ابأربع اولادي - وسالم حسبت يرجع وديعه عندي من حيدر - سبط المصطفى اتودع لن جاني الخبر مذبوح - وذبحو طفلهِ اليرضع آيوليدي آيحسين - گلبي ابفرگته اتگطع انجسم نصين * على ابني حسين * ذبيح الله ---------- ابدال ابن الزجيه ريت - آنه اللي انگطع جيدي ريت ابكربله وياه - وروحي افديها لوليدي آيالوعتي وحزني - آيا حسرتي زيدي لظل طول العمر أصرخ - راح حسيني منّ ايدي الحزن للبين * على ابني حسين * ذبيح الله ---------- صدگ روح النبي المختار - منه گطعوا المنحر صدگ صدر الحوه القرآن - بخيول العده اتكسّر اشلون ابطف دمه القران - ما يروه ظمه الكوثر مو جسم الحسين الطاح - گلبي ابكربله اتوذر تشب نارين * على ابني حسين * ذبيح الله ---------- بگت لمصاب ابو اليمه - تونّ وتلطم اعله الراسِ تنادي ابحسره آيحسين - ظلت لآخر الأنفاس ولجلها تطلع الزهره - بلمحشر أمام الناس توافيها وتجي اتطالب - بچفوف الگمر عباس بعز چفين * على ابني حسين * ذبيح الله

احسنتم كثيييييييييييييييييرا وربي يتقبل منكم كل خيييييييييييييييييير

شكرا على القصيده الرائع والمميزه

وشكرا عله الجهووود التي بذلتموه في هذه الصرح المبارك
وحشرنا واياكم في زمرة محمد وآل محمدص
وسئل الله الكم دووام التوفيق والسداد في هذه الخدمه المباركه
تحياتي وعادئي

بارك الله بكم وجزاكم الله الف خير

بارك الله بكم وجزاكم الله الف خير

على المشاركة المميزة

لكم مني كل الشكر والتقدير