انكتب من عالم التكوين * شيعه احنه وخدم لحسين

انكتب من عالم التكوين * شيعه احنه وخدم لحسين سفينة للنجا شفناه * دنيه وآخره وياه شيعه احنا وخدم لحسين * * * شملنه الباري كلنه ابرحمه الاهيه - خلقنه شيعه طينتنه حسينيه شفنه حسين بنواره السماويه - على ساگ العرش إسمه ومعانيه امن الذر شيعته احنه * وبحبه تسلحنه لا ينسانه لا ننساه * دنيه وآخره وياه * * * قرآن وزبور وصرّح الانجيل - ابحب حسين كلها رتلت ترتيل وأول خادم اعرفناه اله جبريل - ومن جبريل اخذنه الخدمه جيل الجيل ابهل خدمه لبو اليمه * هنياله الكتب اسمه كل شيعي كتب بدماه * دنيه وآخره وياه * * * إيماني عشگنه مو عشگ أوهام - لولا حسين ما ظل علأرض إسلام والله ابحبه وسّمنه ابأعز اوسام - أغلى نعمه صرنه للسبط خدام خدمنه خامس الخمسه * ويا شمس العلت شمسه ابهذا الحب اُمرنه الله * دنيه وآخره وياه * * * حبنه حيدري ما بيه دغش حبنه - بيه اوسع سفينه للهدى اركبنه عاهدنه الزجيه والنبي وربنه - احتيينه ابحبه وربينه ابمواكبنه رغم أنف الوهابيه * صرختنه حسينيه ورايتنة ترف بسماه * دنيه وآخره وياه * * * حسين حسين حبه اليجري ابدمنه - بيه من عالم الأرواح آمنه يرب من نعمة الخدمة لتحرمنه - نتباهه ابخدامة سيد الجنه ابحب سبط النبي اربينه * وعلحب چلمه خطينه غالي وبلدمه اشريناه * دنيه وآخره وياه * * * وفايه نظل للوالي وفايه - وبسم حسين تبگه اترفرف الرايه ونبگه الكربله نتعنه مشايه - حب حسين سابي العالم اسبايه كل شيعي إله منذور * لو يطلع ألف عرعور غصباً علذي عاداه * دنيه وآخره وياه

بارك الله بكم وجزاكم الله الف خير

على المشاركة المميزة

لكم مني كل الشكر والتقدير