تطالب بثار الحسين..اتصيح انه ام البنين؟لسان حال ام البنين ع اقول

تطالب بثار الحسين..اتصيح انه ام البنين
مني طاحو اربعه.. ماحضرت الفاجعه
ولاحضرت المصرعين

انه ضحيت بحياتي..لااجل نور الطيبين
وانذرت ياعمري كلهه..فدوه لروح الحسين
اربعه الاولاد عندي..والاسم ام البنين
فدوه اروحن للزجيه..وفدوه لنسل الامين
والحسين ومرضعه..امه ليه الشافعه
انه بكلبي الحنين

من زغرت ربيت يبني..وردت وياك العمر
كلبي ملهوف وينادي..بيك يحسين بصغر
انت ياسلوة حياتي..ردتك ليوم الكبر
انه من الله اريدن..يبني ومنك عذر
كالو عل المشرعه..جفه طاح بمصرعه
كلبي يبني هالحزين

الاثر يبني بكلبي..ومااظن هم ينجلي

ياابن سيد البريه..ياابن حيدر علي

نصبك ربك علينه..وانت من ربك ولي
افدتي الاولاد دونك..وافدي كلهه هلي
يبني صعب انودعه..كلي منهو اليجرعه
ابدا ماننسه السنين

الامل بالله ورسوله..وربك انطه للعباد
الصبر كال لنبيه..وصى بيوم الشداد
انه اعليكم انوحن..والبس اهدوم السواد
اي وحك امك الزهره..اكظي عمري بالحداد
ايدي تبقى مشرعه..ربي مرفوعه بدعه
تنادي الزهره الامين

الاشد اثر حياتي..من دخل ناعي المدينه
يصيح هوه بعلو صوته..راح ربان السفينه
من عرف مني شريدن..صاح يرثني باأنينه
كال ابو فاضل تركته..جثه جفه مكطعينه
جفه يمه مكطعه..نايم عل المشرعه
مبتره منه اليدين

خادم اهل البيت
ابو علي السعيدي