دم ودمع تبجي العين..خويه حسين..خويه حسين؟لسان الحوراء ع بعج استشهاد الامام الحسين ع اقول

دم ودمع تبجي العين
خويه..خويه حسين ..خويه حسين
لمن طحت..خويه نحت..ناحت عليك الثقلين
خويه حسين ..خويه حسين

يادنيه اف عل الجره..ونشوف هاي المجزره
حسين ضامي وعطشان..يوم النزف فوك الثره
اهتزت اركان العرش..اجساد كله اموذره

خويه شفت..واتعلعلت...ودمعي جره عالخدين
خويه حسين..خويه حسين

تحليت خويه بالصبر..وسميت روحي الصابره
بين الخيم والعدوان..كوم اللفـــــــــتني جايره
واخيول داست بالنسه..واطفال شردت حايره

خويه همت..ليك وردت..وسمعت لجن ميتين
خويه حسين..خويه حسين

من شفت ياخويه اعتله..الشمر صدرك عالنحر
ناديت حيدربالعــــجل..وخـــــــبرته بهذا الامر
صارت حقيقه سبيتي..وحضرت روحي لليسر

خويه صحت..واتالمت..دارت عليك الصوبين
خويه حسين..خويه حسين




حطيت برحال النسه.. ولا شافت عيوني وعسه
روس الابطال بعترتي..واشلون من حل المسه
اندبت امي ياعلي..واجتمعت اصحاب الكسه

يوم اندبت..واتاسرت..يحضر علي ويالسبطين
خويه حسين..خويه حسين

وزادت يخويه علتي اهوال شفت بدنتيي
ومشيت كوه اتغربت..وعفت الوطن وديرتي
وجماله انظر للحده..يحديني وي روس اخوتي

شنهي وخفت..لربي احمدت..ومشيت وي الماشين
خويه حسين..خويه حسين

ادخلنه عالشام بفرح..واطبول دكت للمرح
والناس تنظرللظعن..وتشوف بينه جم جرح
ماتعرف القصه شنو..ويطول بيهم هالشرح

انه اعرفت..واتوجهت..واخطبت بالمجتمعين
خويه حسين..خويه حسين

كلمت يا خويه المله..ومضون سبي القافله
وكتلهم انه اخت البطل..واطفالي هاي العايله
والصوت رددبالفضه..والصوت ردلي واعتله

يالي اظلمت..ثارك خذت.. وتكلي ثاري بسبعين
خويه حسين..خويه حسين


خادم اهل البيت
ابو علي السعيدي