بسمه تعالى
--
.
.
للرضيع ع . عبد الله ..
--
المستهل
--

خذته مني --- ليش يحسين أمن اديه

خذته مني --- مارجع عبد لله ليّه

مو گلت أرويه وأجيبه ... جبته مذبوح شمصيبه أ

--------------

خذته عبد الله امن اديه وآنه اتنطر تجيني

مارجع عبد الله وينه عالدرب شباحه عيني

روحي ظلت وبألمها ينسمع منها ونيني

وينه يحسين الرضيع أشتدله هالساعه حنيني

جيبه يمي --- ابحظني عبد الله اريده

جيبه يمي --- ارد اشمه من وريده

للگلب هوه حبيبه --- مو گلت ارويه واجيبه

---------------------------- 2

بالظمه عبد لله يمي وماكو ماي امنين اشربه

زغير وبعده رضيع وللعطش ماحمل گلبه

آنه اتعذب اشوفه هالظمه هوه يعذبه

للنهر حسره ومراره عيني من تربي اعله دربه

من يشربه ---- يمنه موجوده الشريعه

من يشربه --- عمري لوليدي ابيعه

يعطش وهذا نصيبه --- مو گلت أرويه وأجيبه

---------------------3

للنهر لزموه علينه وظلت اطفال بظماها

چم رضيع بچبده لهبه ولهبته محد طفاها

كل بني هاشم ذبايح عالارض سايل دماها

حتى عبد الله وچبدته أمن الظمه محد رواها

عينه غمضت --- بس جسد وبليه روحه

عينه غمضت --- جروحي وتعانگ جروحه

چبده من يطفي لهيبه --- مو گلت ارويه وجيبه

-----------------------------4

ردنه ماي وماكو ماي بجمرة الحر اشتعلنه

عمه ابو فاضل املنه وماكو غيره ايجيبه النه

انگطعت أچفوفه الثنين وينگطع وياه أملنه

عالشريعه بسهم عينه الخيب اظنون لأهلنه

ابگطع چفه --- بالعطش ظلت اطفاله

بگطع چفه --- بالخطر ظلت اعياله

وأللخيم مابقت هيبه --- مو گلت ارويه وجيبه

------------------------5

ايست كل الحراير من ابو فاضل يجيها

عالنهر ظل اليهابه العسكر وصفگت بديها

بس الحسين وحريمه وصرخة اطفاله وبچيها

وياخذ امن الخيمه طفله وللعساكر يمشي ليها

يروي طفله ---- رحم مابيهم وذمه

يروي طفله --- سدد الرماي سهمه

طفل ويذبحوه عجيبه ---- مو گلت ارويه وأجيبه

----------------------6

رجعه العبد الله ينزف گاطع الرامي وريده

طلعت امن الخيمه أمه وينه عبد الله اريده

نظرت املولح رگبته أمن الگماط أمطلع ايده

وكل خواته لمه صارن حتى بت مسلم حميده

وين اخويه ---- صاحت وتبچي رقيه

وين اخويه --- أخذته مني المنيه

وهيه عطشانه وغريبه ---- مو گلت ارويه وأجيبه

----
سيد عدنان الحمامي

--



---------