الى مولاتي عقيلة بني هاشم ع اقول (339) **** اه يزينب اه يزينب..خليهم يسمعونه
الى مولاتي عقيلة بني هاشم ع اقول
(339)
*********
اه يزينب اه يزينب..خليهم يسمعونه
اه يزينب اه يزينب..بحبكم كلهه مجنونه
*******
احنه من نصيح بصوت..تعاهدنه نظل للموت..احنه عل المنايه انفوت
اه يزينب اه يزينب..نتحده اليظلمونه
***********
وياكم هالعمر نكظيه..والكم هالدرب نمشيه..وحزنكم بالكلب نحيهه
اه يزينب اه يزينب وبيومك يبجونه
**********
شلنه احزانكم بالروح..نبجي كل عمرنه انوح..نصيح بصوت يالمذبوح
اه يزينب اه يزينب..منكم مايمنعونه
***********
ضحينه ونضحي ارواح..مايهمنه اليموت وطاح..انطينه اركابنه لذباح
اه يزينب اه يزينب..خليهم يذبحونه
***********
حبكم بالكلب موجود..والبسنه هدوم السود..حان اليوم يالموعود
اه يزينب اه يزينب.. نطالب ثاره وديونه
************
ردنه هالعمر وياك.. تعين الطاح والناداك..وحك حيدر علي السماك
اه يزينب اه يزينب..وحك اجفوفه وعيونه
************
اسمع صوت خدامك..جتكم رافعه اعلامك..تحاسب اجت ظلامك
اه يزينب اه يزينب..ثارك همه يردونه
**************
خادم اهل البيت
ابو علي السعيدي
|