بسمه تعالى

سلام عليكم

---

--

--

يحسين ابن اخوك القاسم اتودعه

يادمعه التطفي الجمره يادمعه

----

يادمعه التهل وتطفي نار البيك

يحسين الحسن خلاه امانه ليك

وصه القاسم ابدم منحره ايجازيك

صاحب غيره جسام او وفي طبعه

----

وفي طبع الشهم لوشالته النخوه

يحسين او الك شبل الحسن سلوه

اتشوفه اشلون لو من المهر يهوه

وصوت النايبه بخيامك اتسمعه

-----

هذا ابن الحسن يحسين باريته

بوجودك عزيز وانته ربيته

اوليدي مثل الاكبر لون ناديته

اشلون اتفارگه وفراگه شيجرعه

-----

لفراگه تجرعه واشكبر صبرك

يحسين ويفجعك تدري بيه دهرك

رايد يفدي عمره جاسم العمرك

يحسين ولبسهن لامته ودرعه

--------

لابس لامته والسيف بيمينه

ومن غرّة جبينك نور بجبينه

يحسين الشجاعه امكحله عينه

ومتهمه الجيوش الحربه مجتمعه

------

الميدان الشهاده هالشبل من راح

كلها امشرعات اسيوفهم ورماح

آنه ابن الحسن جسام بيهم صاح

لاچنها المنايا تطفي هالشمعه

----

سيد عدنان الحمامي