استشها الباقر ع --- الباقر بسم ختم عمره
لمستهل
---
الباقر ابسم ختم عمره -- اعليه بچت فاطمه الزهره
---
يادمع النواظر سيل عالخدين -- وداوي اجروحها لم الحسن وحسين
هوه لاچبد راح الها لاچبدين -- ولاضلع انكسر الها ولاضلعين
كربله اضلوع الها بيها
خيل أجت لعبت عليها
كل ضلع لمن تنظره -- اعليه بچت فاطمه الزهره
--
حگها لوبچت والضلع يتألم -- وتتذكر مآسيها ابمراره وهم
اچبود الها الزجيه امگطعه بالسم -- ياچبد الذي من الغدر يسلم
الله چم بدر غيبّوا
الله چم نحر گطعوا
وحسين من نزف نحره -- اعليه بچت فاطمه الزهره
-----
چم أمصاب الچ يافاطمه ولوعه -- وچم فجعه يبنت الهادي مفجوعه
صدر حسين ابنچ فصلوا أضلوعه -- وچفين الاخو امن ازنوده مگطوعه
جفوف ابو فاضل گطيعه
وذبح الحسين ورضيعه
ماسلم من رغم زغره -- اعليه بچت فاطمه الزهره
----
بيهن كل مصيبه اتشيبه للراس -- حدچ من گبل يافاطمه ينداس
بني أميه وظلمهم لو بني العباس -- تتوارث حقدهم ناس أمّر من ناس
حللوا ياسبب دمكم
لادار يالزهره لمكم
والباقر سم اليغدره -- اعليه بچت فاطمه الزهره
----
هليله الدمع مايطفي جمر النار -- لو بالباقر انواسي النبي المختار
مصايبكم مثلها بالدهر ماصار -- منكم ماسلم يافاطمه كل دار
اليوم ابو الصادق نودعه
ونهلها دمعه اعله دمعه
بالچبد تلتهب جمره -- اعليه بچت فاطمه الزهره
----
سيد عدنان الحمامي
|