للتطبير
======
هامات نطبرهن طبر خل ينزف الراس
لونزف دمنه نحتيي أي وحگ عباس
بيدينه قامات -- نطبر الهامات
نموت الف موته مايهم من اجل الحسين
حيدر --حيدر -- حيدر
----------- 2
لوميّت آنه وبالگبر من يجي عاشور
اگعد واتطبّر لأن دم هامتي ايفور
خلهم يلومون -- لو أنه مجنون
حب الحسين اللي جعل كلنه مجانين
حيدر -- حيدر -- حيدر
--------------------- 3
نطبّر وخلي الذي بينه يلومون
شيردون من عدنه لوّن واحدنه مجنون
فدوه اله اتروح -- لحسين هالروح
حب الحسين بهل الدمه ايغذي الشرايين
حيدر -- حيدر -- حيدر
---------------------- 4
شلون الخيول اترضرضه وكسرت صدره
بالسيف اواسي المصطفى راسي اطبره
بهاماتنه سيوف -- والعالم ايشوف
نطبر ابهذا الدرب كل احنه ماشين
حيدر -- حيدر -- حيدر
----------------- 5
بالحربه من گص الشمر خنصره امن ايده
ومن شال راسه امن الگفه ويگطع وريده
وتريد ما اطبر -- لا ولله ما اصبر
دمي ابذله وخل تشاهد دمي كل عين
حيدر -- حيدر -- حيدر
---------------6
شلون الحسين امن المهر ساعتها من طاح
دمك ودمي ايروح اله فدوه لون راح
لوننزف الدم -- لجله منهتم
نرخص ادمانه الفاطمه بهالدم مواسين
حيدر -- حيدر -- حيدر
------ سيد عدنان الحمامي ----
\\\\\\\\\\\\\\\\\\\\\\\\\\\\\\\\\\\