بسمه تعالى

سلام عليكم

--

--

--

عباس اختك من يحميها

--

عباس أختك هالوحدها

ونته اتحاميها امواعدها

وهاي الخيل الوصلت حدها

محتاره شلون اتخليها

--

محتاره اتخليها الزينب

ياعباس اسمعها تعتب

خدري اتنادي خدري اتسلب

وخيامي نيران البيها

--

بيها النار اخيامي الوجت

بين الخيل اطفالك هجت

زينب ياعباس اترجت

منك تنهض تنهض ليها

--

ليها أتگوم ورد چفينك

أختك بيك اتحشم وينك

ياعباس وشوف ابعينك

ترضاها ايجسرون اعليها

--

جسروا والدمعه امن اعيوني

خويه السوط ايورم امتوني

آنه أختك وسفه ايضربوني

مو انته الچنت اتباريها

-

اتباريها ومأمنه ابجالك

عنها اشلون ايغيب اهلالك

وگفت ياعباس أگبالك

تشكي العدوان امروعيها

--

سيد عدنان الحمامي