تعالى
سلام عليكم
--
--
--
المستهل
--
مغرم يالرضا ابحبك ومجنون -- شيگلون العواذل خل يگولون
حبيبي وأمنياتي -- انته كل حياتي
--
أحبك رغم كل اللي يضدني
ومجنون بغرامك هم بعدني
عن حبك منو يگدر يردني
وخلي امن الروافض من يعدني
أوفي للذي اعشگ وأحبه -- وكل عمري ورد انثر بدربه
مخدومك يغاتي -- انته كل حياتي
--
موالين ونظل اعله امن الاجبال
بحبك يالرضا لامونه عذال
هالحب گالوا ابفد يوم ينزال
واحنه مايهمنه القيل والقال
حبك ملك بينه اگلوب وعقول -- وكل واحد بحبك صبح مذهول
ياصومي وصلاتي -- انته كل حياتي
--
عدنه امن اشوكت هالعهد وياك
نسانه الله اذا فد يوم ننساك
انته بكل ظمير وگلب نلگاك
كلنه انروح فدوه الرمش عيناك
انته ياجمال الذوب اگلوب -- ومن حبك فلا ياسيدي انتوب
يالحبك نجاتي -- انته كل حياتي
--
عادت كل محب يفدي حبيبه
ومنه اشما طلب لازم يجبيه
نحبك مامثل حبك عجيبه
ياهيبة اهلنه والنه هيبه
انموت بحبك احنه ومايهمنه -- لأن حبك نبض شريان دمنه
حبك من سماتي -- انته كل حياتي
--
انته يبو محمد سلوه للروح -- ونته الكل موالي بلسم اجروح
وحگ آدم وعيسى والنبي نوح -- الغيرك ابد من نحتاج منروح
انته ياكريم الچف يغالي -- من يحتاج مترده الموالي
مخلص في صفاتي -- انته كل حياتي
--
يبن الكاظم انته ابن الاجاويد -- كل محتاج تگضي حاجته انريد
والغايب لاهله سالم اتعيد -- ومن چفك عطائك سيدي اتزيد
بيدك لليجي محتاج تنطيه -- وكل واحد مريض ابساع تشفيه
تحظرني ابمماتي -- انته كل حياتي
-- سيد عدنان الحمامي