هواجس ..9 (290) الى السيد الشهيد محمد صادق الصدر(قدس) اقول
هواجس ..9
(290)
الى السيد الشهيد محمد صادق الصدر(قدس) اقول
**************
تبقى سيدنه عل مر السنين..ويبقى ذاك المنبر احنه نشوفه
شما تمر تذكره اليمه ومن نزور..نكصد احنه لمنبرك بالكوفه
نذكر الجفن اللبسته بالخطب..حتى من عدنه تشيل الخوفه
وحدت كل الصفوف بكل مكان..وصارت الجمعه توحد اصفوفه
هددت اكبر طغاة بهالعصور..وماخفت من شفت لمع سيوفه
كلت كلا ودوت ارجاء السماء..والك صارت هالزمن موصوفه
وصار كبرك مشهد وكله تطوف..وياكبر يكدر يلم ضيوفه
تبقى خالد سيدي وي الضمير..ونهجك الثائر ابد منعوفه
*********
يسيد كل محب ناده..ولك سار
الك رب المنحه سره..ولك سار
الك بنيان وبكلبي..ولك سار
وكلامك بالاذن اسمع دويه
***********
وحك الرضت اضلوعه..صدرنه
حكم مرسوم عل الطاغي..صدرنه
اسمع جمعتكم نادت..صدرنه
واجت زوار كله بهالمسيه
***********
خادم اهل البيت
ابو علي السعيدي
|