نور النبي المختار<><> نوّر علينه
شبّر من نور الهادي<><> جبريل الليله ينادي
شع نور ابن الكرار<><> نوّر علينه
********
فجر الأمل من لاح <><> ابثغره ابتسامه
أتوشّح بأحله اوشاح <><> عزَّه وكرامه
ياعطر منّه الفاح
خلْها النفس ترتاح <><> كلمن مرامه
إتروّه بكاسات ألجنّه <><> يالشيعي اشرب واتهنّه
وهذا الكاس اليندار <><> نوّر علينه
*********************
أول سبط ريحان <><> للهادي نسمه
عالدنيه نوره بان <><> يطرد الظلمه
ابوسط المهد قرآن
أترتّله إنس وجان <><> من الباري رحمه
وسم الكرم والجود <><> لاح ابجبينه
بجبينه الجود إتوسّم <><> هوّه إبمهده ويتبسّم
ابمهده وﭼفّه الدرّار <><> نوّر علينه
*********************
نحي ابفرح هالليل <><> ذكرى الولاده
ونْعَطْره ابماي الهيل <><> خد السعاده
وللحفل انشد الحيل
إنعَبّده بنور اسهيل <><> درــب الأراده
ابحضن ألولايه إنّام <><> ونغفه ابحنينه
نغفه ابحضن الحنيّه <><> ونمشي بدرب الحريه
النور ابدرب الأحرار <><> نوّر علينه
***********************
حبهم أجل اوسام <><> بيه انتوسّم
إحنه العشـگنه اكرام <><> ابهالعشـگ نلتم
خل تشهد ألأيام
وكلمن ابحبهم لام<><> گولوله يندم
گولوله بالأخطار <><> همّه السفينه
واشحدّه اليوصل ليها <><> واحنه أشراع إبصاريها
وحامي الجار البحّار <><> نوّر علينه
********************
حيدر وليُّ الله <><> امنصّب إبآيه
آخره ودنيه اوياه <><> انظل عالولايه
رب العرش علاّه
والكوثر ابيمناه<><> وبيده السقايه
ألينتسب للكرار <><> خل تـِگُر عينه
ابوجها يفوت اعله الجنّه <><> والحور اليتلـگنّه
يا هَلَه ابهالخُطّار <><> نوّر علينه
*************************