(1)
انه ابدر اليسر ودموعي بالعين.. وحطت ناكتي منهو الينزلني
عكبك ياشهم التفت جا وين ..هم ترضه الشمر يحدي تره بضعني
فراكك يالاخو ياكرت العين.. مع حجي الشمات خويه حيل يوجعني
فاركتك يبو الكلفات مجبور ..وادري بغيرتك مايوم تتركني
انه بشاربك للموت عباس.. حملك ياعضدي هواي عذبني
اطفال ونسه ظلت يتامه وياي.. كثرت حسرتي خويه وتناشدني
وين الجان للعطشان سكاي.. وين الكافل اخته هسه يحضرني
اريداشكي همومي والجره وصار.. بفراكك يخويه الدهر غاصبني
نحيله من التعب وحيلي هل باد.. بعد وين الاخو اليمي يساعدني
هذا اوداعي خويه الله وياك ..على ظهر الهزل يوم التناظرني

(2)
غمضت الرمش مانامت العين.. تفز كل ساع عيني هيه تنشدني
جاوين الاخوه التوكف بضيج ..وطايح محملي منهو اللي يكفلني
انه الوكفت املاك السمه عل الباب.. حرس من الاله وليه تحرسني
تاليه بخرابه خويه بالشام ..والشمر وخوله خويه ايسبني
هظمني الواكف عالراس ويصيح ..وباسم حيدر علي ياخويه يشتمني
عسه عيني العمه ولاشوف فراكاك.. ولااشوف النذل بالسوط يامرني
لجن الله نصرني عليه بالحال ..حين اللي اخطبت يمه ويكلمني
كيد شما تكيد تريد ييزيد ..عليك الباري ربي هوه ناصرني
بت حيدر علي وانه العقيله.. انه مخدره وربي الحافظني
انه امه الزهره معروفه بالانساب.. وابو الفحل حيدرزين تعرفني
شما تفعل ويانه نزيد اصرار.. واذا جاهل حياتك منته جاهلني

(3)

يادرب السبي مايوم انساك.. شلون انسه الفكدته بذيج الايام
مشيت الدرب كله عيون بدموع ..ولا لحظه اهجعت عيني أبااحلام
نامت هل الانس وكل العيون ..بس عيني الوحيد شلون وتنام
فاركت الغوالي وسلوت الروح.. فاركت الحيود وخوش ازلام
طحت مابين اطفال ونسه وياي.. وجماله شفت ياخويه ظلام
لوعني مصابك خويه فركاك .. يوم اللي رحت ياخويه للشام
شفت انه العجايب والظلم بيه.. ولاشفت الشفاعه وماكو اسلام
ترضاه بخرابه خويه واطفال.. تتباجه عل اهله لوالده احتام
والطفله اليتيمه بت الحسين ..رقيه الغمضت من دون متنام
وكفت بالقصر وتعاين عليه..راس بالطشت وتشوف حكام

خادم اهل البيت
ابو علي السعيدي