شيّبني امصاب حسين
----------
هاي ام الوفه اتنادي * مرد سبط النبي افادي
افديته ابأربع اولادي * افديته ابأعز چفين
----------
سالم حسّبت يرجع * گلبي ابفرگته اتصدّع
أثاري ابكربله امگطع * وحيد ولا إله امعين
----------
لا ناصر بگه عنده * بگه ابطف كربله وحده
ونبله حرمله ابچبده * كَلت من چبده ثلثين
----------
چِتلوا مِنه عباسه * وگالولي انگطع راسه
إبني انخمدت انفاسه * تهل من دم إله العين
----------
إبني ابجبهته صابوه * إبني ضامي ما روّوه
إبني امن الگفه ذبحوه * ابضماه يا شيعه يومين
----------
حسين امصابه شيبني * حسين ابن البتول ابني
عسن ذبّاحه يذبحني * خِذاه من عندي البين
----------
لاظل طول العمر أنحب * للّي ابچبدته امصوب
واواسي ام الحزن زينب * ابدمع اصرخ والونين
----------
آنه ام البنين آنه * أظل لمصابه ولهانه
وعليه تبچي عدوانه * امن انوح ابن الميامين
----------
يجروح السبط شهدي * اجروحه للحشر تدّي
لحد ما يطلع المهدي * وينادي ابن النبيين