اشهد اشهد يا رسول الله الشهم -------- جينه نتلكَه الهواشم عالقدم

وبالطفوف نزور مسلوب الهدم ------- وزينب انواسيها عن احزانها

بكل قوافلنا اجينا الكربله-------------- نعزي زينب سيد تنه الفاضله

يوم ما طلعت تلم بالعايله---------------- تطيح وتكَوم وتلم بطفالها

جينه ملهوفين نكَصد للطفوف ------ نلطم ونصرخ يمكَطوع الجفوف

حسين جسمه مكَطع بحد السيوف ------ وزينب الحره الشمر يبرالها

بالدماء انبايع حسين الشهيد ------------ بيعة الأحرار مو بيعة عبيد

ماتهزنه احقاد مروان ويزيد -------------- ولا وهابيه وحقد انذالها

بسمك اليوم انتحده المجرمين ----- وهل النفاق وكل دعاته الفاسقين

الي كل ظنهم نعوفك يا حسين ------------- حته ترتاح وتنام انذالها

ما نعوفك يبن حماي الحمه -------- واليعوفك من عسه العينه العمه

هوه ياهو المثلك الي يخدمه -------------- بالمهد جبريل لمن نالها

ندري بالناس التضدنه مبرمجه -------- بشحنة افكار اليهود الساذجه

ونعرف حسين وطريقه ومنهجه ------- وأهل الأحقاد انعرف اعمالها

نعرف الينقد زيارتنا بحقد ------------- يكون لا دين وشرف لا معتقد

عنده ويكون بمقام أهل الحسد -------- ويجهل الحره وشرف منوالها