عن مسلم خبر يا بو علي انخبرك * ابموته صحنه ألله ايعظّم ابأجرك
----------
الكتبتلك أن اقدم شو صفت ضدّه * لا من عسكره ولا صحبته وجنده
تاليها صفه ابأرض المكر وحده * كلها خالفت يبن النبي أمرك
----------
أمس أنصاره كلها بايعت يمّه * أشو هاليوم اجتّي تسفك ابدمّه
العُبيد الله بديها صارت اتقدمه * صعب يحسين بمصابه صعب كسرك
----------
بعد ما جال مسلم بيهم اميادين * وذكّر كل اهلها ابمعركة صفين
غدروه ابأمان الوالي آيحسين * قدّم عمره بالكوفه فده العمرك
----------
سفيرك ضامي من دم منحره روّوه * جثه امن القصر فوگ الترب ذبوه
أهل الكوفه يحسين ابحقد غدروه * وظلت يا حُسين الكوفه تنتظرك
----------
اويه أهل الكوفه يا ذنب الذي جاني * غدروه كل اهلها القاصي والداني
بس طوعه حمت عن مسلم وهاني * گِطعت نحره ظلت تنتظر نحرك
----------
وظلتله يتيمه بالحزن تنعاه * خَذِتها تمسح اعليها ابدموع الآه
ابوي انته حميده اتنادي يا عماه * اتعجبت منك املاك السمه ابصبرك
----------
الكوفه ابدم سفيرك هذا ما تشبع * لابشع معركه تنظرها من تطلع
حظّر حرمله سهم ابنك اليرضع * عبد الله اليذبحونه على صدرك
----------
وننطر إحنه راية عز بني هاشم * البيها منكتب نَصر السمه قادم
يحملها الإمام المهدي القائم * وثارك ياخذه من السلب عمرك