الموضوع
:
لتغيب عن العين -- عين أمك اربيه -- للقاسم ع
عرض مشاركة واحدة
#
1
04-03-2011, 11:32 PM
مشرف
لوني المفضل
Cadetblue
رقم العضوية :
8
تاريخ التسجيل :
Apr 2011
فترة الأقامة :
4817 يوم
أخر زيارة :
05-21-2013 (05:09 PM)
المشاركات :
1,243 [
+
]
التقييم :
10
بيانات اضافيه [
+
]
لتغيب عن العين -- عين أمك اربيه -- للقاسم ع
بسمه تعالى
سلام عليكم
-----
--
المستهل
--
لتغيب عن العين -- عين امك اربيه
يوليدي گوم وشوف -- شوف شجره بيه
بالحزن فگدك يبني خلاني -- چان الامل جسام ترعاني
----
أوليدي وأعز أمن العمر هوه ضوه عيني
ذاخرته لأيام الكُبر أمه ويباريني
من چنت اشوفه كل ألم شوفته اتنسيني
أم ومسعده بيه چنت وفديته بسنيني
ابني بغلات الروح -- هوه ثمر گلبي
جاسم عمود البيت -- شمعة ضوه ابدربي
مذبوح أشوفك دهري راواني -- بالحزن فگد يبني خلاني
----
جسام ابني ومهجتي وشكثر باريته
ياما وياما جاهدت بالصبر ربيته
ابني وأخاف اعليه چنت بعيوني ظميته
بجفوني لوشفته غفه لوليدي غطيته
شوفته عندي عيد -- مگدر على افراگه
هم صدگ ليّه ايعود -- ويه امه يتلاگه
يولا بعد من راح ينساني -- بالحزن فگدك يبني خلاني
---
دنياي وجهتلي سهم وصوابه مايبره
أم وگلبها أعله الوِلِد ياونّه التصبره
خاطرها لجله ينكسر خاطرها شيجبره
مو وكته عني يرتحل عمري على عمره
راح اصفگت بالراح -- من غيبوا اهلاله
ومنين اجيبه امنين -- والفرگه چتاله
جاسم يجاسم يلهج الساني -- بالحزن فگدك يبني خلاني
-----
وين الگه ابني لو ردت لابني اشم خده
ملهوفه ولله الشوفته وگلبي يرف بعده
كلساه يحاچيني الگلب ابنچ جزه وعده
بلچن زماني بيه رحم سالم الي ايرده
أم بالولد تفرح -- أمن اتشوفه طب للدار
لوغاب عنها يوم -- ماتستقر تحتار
أنه شگولن راح ماجاني -- بالحزن فگدك يبني خلاني
-----
مني المنيه اخذته وفجعتني بوليدي
جسام ريحانه الي هوه فرح عيدي
شلي ابنظر عيني بعد ياونتي زيدي
ياحسره حرگي بالگلب عالراح من ايدي
حسبالي افرح بيه -- اتزفه تجي ربعه
ابعرسه نذر عندي -- الروحي أوج شمعه
مني يخطفه البين يبلاني -- بالحزن فگد ك يبني خلاني
------
حگي انوح اعله الولِد لا لا تلوموني
اوحّيد اليّه ضنوتي ابعرسه يفجعوني
مذبوح بثياب العرس لاشافن اعيوني
گبله تمنيت ابلحد ميته ويلحدوني
سيوف العده ورماح -- لوليدي زفنّه
ابدم رگبته حنوه -- ابني الميتهنه
محد أجه بالغالي واساني -- بالحزن فگدك يبني خلاني
----
سيد عدنان الحمامي
زيارات الملف الشخصي :
235264
إحصائية مشاركات »
المواضيـع
الــــــردود
[
+
]
[
+
]
بمـــعــدل : 0.26 يوميا
خادم خدام الزجيه
مشاهدة ملفه الشخصي
إرسال رسالة خاصة إلى خادم خدام الزجيه
البحث عن المشاركات التي كتبها خادم خدام الزجيه