علي بويه تنازع بالمنيه ---
بسمه تعالى
سلام عليكم
بسمه تعالى
سلام عليكم
--
--
--
علي بويه تنازع بالمنيه
عسن لابيك ريت الطبره بيه
--
علي بويه عليك الدمع ينصاب
عسن هامي ولاهاماك ينصاب
الك مأتم حزن جبريل ينصاب
وتعزي املاكها السيد البريه
--
يحيدر ياگلب ياچبد منسال
عليك ودم دمعها العين منسال
تغض طرفك السيف الغدر منسال
ويصوب هامتك ابن الرديه
--
روحي ياعلي جزعت ولابت
تگطعن بالگلب ماظل ولابت
بت المصطفى وغيري ولابت
يتيمه ابفگد حماي الحميه
--
من مثلي تعذبت من صباها
ودم يجري دمعها من صباها
علي هامتك بويه من صباها
السمه اتمنيت تطبگ عالوطيه
--
الوكت چم نايبه رحمه ولدها
عله السگطوا ابعتبتها ولدها
ابويه بالصلاه ساجد ولدها
يغدره ابسجدته ابن الدعيه
--
عگب امنه الدهر كثرن بلاياه
حزن لايوم مر بينه بلاياه
علي ابعوزه اليتامه اتظل بلاياه
يغيب اشلون من الها الرعيه
--
المصايب من عگب امي لوني
علي بويه لون تسمع لوني
گبل عمرك گضه عمري لوني
ولا شوف اشبحت عينك عليه
--
سيد عدنان الحمامي
--
|