ملف مرفق 10


حسين مو معركه ولا دم وسيوف


ولا هيه قصة حرب يطويهة الزمن


حسين سيف الله نزل ما لمة الكاع


ملحمه القرأن وكباله الوثن


جان يدري بكربله لازم يموت


وما رجف كلبه ولا عزمه وهن


وزين يعرف هم يموت بلا جفن


وهو ياهو مات عن اهله غريب


وصارت الغربه بعد موته وطن


ملف مرفق 11



ومنهو يحمل ينذبح ابنه الرضيع


وهو بعده زغير يبجي اعله الحضن


ومنهو يرضى جفوفه يرحن من اديه


وجان ضلن لو رظى يصافح عفن


شكد نسى التاريخ وكفات الرجال


وما كدر ينساه لو ذكره دفن


جيب صبر ايوب يتحمل بلاء


ويم حسين الصبر متعجب صفن


تاه دينك ما عرف درب اليقين


ومن دماء الطف ترة شموعه ضون


جرب انت وروح بس زور الحسين


الروح قبل الجسم تدخل لصحن