على الفطره - - - على الفطره - - - حبينـاك يحـسيـن
على الفطره - - - على الفطره - - - ماشفناك بـالعيـن
بنص الگلب حسيناك
عايش وأحنه حبيناك
على الفطره - - - على الفطره - - - حبينـاك يحـسيـن
*****************
يحسين المحبه فـنـون يابـو فـنـون
وأحنه بهاي حبيناك حب مجـنــون
ساكن بالگلـوب وشالـتـك لعـيــون
على عناد العـواذل خلهم شيحچون
نذر عمره - - - نذر عمره - - - كل مخلص يوافيك
نذر عمره - - - نذر عمره - - - وأكثر بعـد ينـطيـك
بنص الگلب حسيناك
عايش وأحنه حبيناك
على الفطره - - - على الفطره - - - حبيناك يحسين
************
من أصل الوجود ونطـفـت البـيـنه
رضعـنـاها محـبـتـك من تغــذيـنـه
ولهــذا السبب يحسـيــن حـبـيــنه
شخـصك يبو اليمه وألك ضحـيـنه
كبر أجره - - - كبر أجره - - - كلمن يسعي مسعاك
كبر أجره - - - كبر أجره - - - يحـسيـن اللي والاك
بنص الگلب حسيناك
عايش وأحنه حبيناك
على الفطره - - - على الفطره - - - حبيناك يحسين
************
يالفـجرك محبه وصوتك يضل صوت
هـدم چم عـرش وأنرجم چم طاغوت
من طين البشر بس انته من ياقـوت
ولهــذ نـضل ويــــاك حــــــد المــوت
على الجمره - - - على الجمره - - - لجلـك أحنه ماشيـن
على الجمره - - - على الجمره - - - نبقه ويــاك يحسين
بنص الگلب حسيناك
عايش وأحنه حبيناك
على الفطره - - - على الفطره - - - حبيناك يحسين
****************
مجـنـونيـن بيـك وتسري وي دمنـه
وبس حضنـك الـدافي سيدي أيلمنـه
غــذانـه أبـونه أمحـبــتــك وأمـنــــه
وصار أسمك حرز ويزيح كل هـمنه
على الفقره - - - على الفقره - - - يل خادمك جبـريل
على الفقره - - - على الفقره - - - صار أسمك قناديل
بنص الگلب حسيناك
عايش وأحنه حبيناك
على الفطره - - - على الفطره - - - حبيناك يحسين
***************
خادمكم
رياض الرسل