اهوال يارب والغـصــص ----- وجروح ترويهه القصص
عالميـهه ----- سامعيهه
من القصص
/////
يا شيـعـتــي حــان الفرج
چــلمة امــل مــن الــولي
لو بالفرج يــگصـد يـطِل
فوگ النعـش لـو مـعـتـلي
حال الـسـمه حالة غضب
ولمقـتـلـك تـنــدب عــلـي
ولقاتــلــك مـاظـل سِــتِـر
ســمّــك امُر واضح جلي

وعيون تنزف من دِمَه ----- ودموع من عين السِمَه
يا الهي ----- وانته جاهي
من القصص
/////
ما ظـل مـلـك الا ونـِحَـب
مــن الارض حـد السـِـمَه
أسْوَد لِبس حتى الگــُـمــر
وانواره صـارت مُظـلـمه
نار الحزن ضيــم الـدهــر
مـــن العـصابــة الظالـمـه
موسى الطـُهُر لاما خضع
بــــس الإلـــه الحـاكِــمَــه

هارون بالـــسـم والغـدر ----- وعيون موسى بالأسِـــر
ما جزاني ----- هم زماني
من القصص
/////






حتى الشمس لبست حزن
ثــوب ودمــع مـن الجمُر
تـنعى الامام ابـكل صُـبُح
لازم تــــزوره مــن تِـمُر
تـتـفــجــر إبـــآه وقـــهـر
تصرخ ذبـل مني العـمُـر
ما تـحـتـمـل جور الزمن
ما تــحـتـمــل هـــذا الامُر

بدموع تنحب هالشــمس ----- كل يوم تحزن من أمِــــس
يوم امامي ----- يومه دامي
من القصص

/////

حـتـى الگـمر ظل منـفجع
شــاف المصايــب والأسَه
يــفـتـر وحـــيـد ابلا وعي
ضيـــم الدهــر هم لامـسه
يـــنــعــى الأمــام المنغدر
يـشكي الـغـدر وِلْ أســسه
يــتــرك مــكــانه بـالفـلـك
لمجلس حزن حـد المِــسه

مفجوع يـارب هــالگمر ----- مجروح من ضيم الدهـر
من عدانه ----- من زمانه
من القصص
/////





حــال النجم حــال الگمر
غايـب نــهــاره بــالحزن
نــاح لــسـليـل المصطفى
يـــلـمَـع لمِع دمعه ويـوِن
مبعـد عله هاذي الارض
ولــشــوفةِ الكاظم يــحِـن
يـنـدب مُـضـه بـسمّ العده
سمّ الـعِـده ولـيـلي يـجـِـن

موصوف حالك يا نجم ----- بـِلْ آه حــالــك مـنسِجم
ويّه دهري ----- ماضي صبري
من القصص

/////

كــل الـفـلــك مأتـم نصب
شـمس وگمر كـل النـجـِـم
حــتى الوكت ليـل وصُبُح
مــن الـجـره ظـل مـنـقسِم
صُبــح الــمـنـيـّه انــودِعَه
ليـــل المصايـــب نـسـتـلِم
ولوحة جفـن يــهـمل دمع
بيــن الكواكب تــنــرسـِـم

افلاك لا مو بــــس فلك ----- مفجوع ويّـاهـه الـملــك
من حزنهه ----- هَل دمعهه
من القصص
----------------------------------


بقلم
الشاعر الأديب
مـــاجـــد الـــكـاظـــمي
6 / 5 /2011
www.facebook.com/Majid.alkadhimi