سجنين شيدها الظلم والظالم --------- اليوسف سجن والثاني سجن الكاظم
==========
القرءان يروي الحادثه ألمفهومه-------- يوسف وخوته وقصته المعلومه
وضل الحكومه البلكفر موسومه
وبالتالي من فهمت حقيقة يوسف ---------- ذيج الحكومه إلي بدت تتأسف
وهالقصه صارت كل وكت تتألف -------- واكتملت بيوسف يصير الحاكم
==========
يوسف حكم بعد السجن والتعذيب --------- واثبت إدانة إخوته وبره الذيب
وفند أباطيل الدغش والتكذيب
وابده التسامح عن فعل خوانه ------------ ورجع قميصه لوالده وأوطانه
وصارت رواياته وثبت عنوانه --------- بأحسن قصص آيات ربنا العالم
============
من يوسف القصة رهين ألامه ---------- موسى السجين بلا ذنب لا تهمه
غير النصيحه إلي بدآها بعلمه
وفتوات شرع الله بصدق يرويها ---------------- راد السمو لامته يعليها
لكن نواصبها وفكر طاغيها ---------------- هارون وبرأيه الذميم الغاشم
===========
بهارون كل ما بالطغاة الأشرار------------- من يزيد وأمثاله وأميه الكفار
ظالم زمانه ومثله ما مر لا صار
وتوسم بعار الجريمه النكره --------------- بقتل الإمام السابع بسم غدره
والعار للامه التكبر قدره ------------ والما وصل حد كفره طاغي وظالم
==============
موسى بن جعفر ثابت بأصل الدين ------ سيف وعلم مثل الثبت ويه حسين
عباس راعي المرجله ونور العين
موسى بن جعفر عاليات أمجاده ------------ هز الطغاة بخط مسير أجداده
ولليوم حوزات العلم بحفاده ----------- فاضت بحور أنوارها أعلى العالم
==========
أبو حسن الحسيني