======
===============
ميلاد الامام علي
--
--

مربع
-----
مشتاك العلي والشمة اترابه -- يايوم الاطوفن زحف بعتابه
-----------
بيّه شوك ماينوصف وشكبره -- اريدن يم علي اشتم هوه الحظره
وثلث مرات ازحف زحف يم كبره -- وعلى طولي اخلي ادموعي سجابه
-----------
دمعي كون اذرفه بعتبته وارتاح -- وهم اللي عليه امن الكلب ينزاح
امن الجنه اشم ابعتبته القداح -- موالي وبالولايه امعطر اثيابه
--------
الشباجه الزمه واطلب اشماريد -- واكله ازيارتك عندي يحيدر عيد
واريد العافيه اتلبسني ثوب اجديد -- احلفك بالرسول والله واكتابه
---------
واطلب من علي اشماريد من عنده --- ميردني وحك اللي انعبد وحده
كل غايب اكله للوطن رده -- لأهله وتفرح ابشوفته احبابه
----------
واكله ياعلي الرايدله خُلفه انطيه --- ابذريته تفرحه بحسره لتخليه
والمديون دينه ياعلي اتوفيه -- يالماهجع سيفك يوم بكرابه
----------
يحلال المشاكل مشكلي فرجه -- وكل اعزب اعروس اتفرحه اتزوجه
وكل طالب اريده ينجح اتخرجه -- والحفل التخرج لبسه جلبابه
-----
وبعد اطلب الكل ابنّيه ينطي امراد -- يرزقها ابشباب وطيب ابن اجواد
وتعيش ابهنه اعليها الفرح ينعاد -- مرتاحه ومسعده وماكو اطلابه

------سيد عدنان الحمامي


ابوذيه
---
ابويه بحب علي راسه يعالي
الاهي لاتعذب امي يعالي
اسمعتها اتصيح من تطلك يعالي
وحب حيدر علي رضعتني هيه
----
----2
الفلك لولاك يابا الحسن مندار
وثديي الوالده امحبتك من دار
ارحمها يربي اتفوز من دار
هيه او والدي ابجنه زهيه
-------------
هوسات
--------

اول راجع التورات يالمغرض وصد ليها
تراهي من صحف موسى وربك شاهد اعليها
بيها المرتضى مذكور خاب الراد يخفيها
يسقينا وبيوم المحشر
-------------- 2
كبل ماينخلق آدم يناس وجان من طينه
علي ابسبع الشداد انوار وبساك العرش زينه
الف حمد وشكر ل الله يخوتي اله والينه
وقعنه بالعشره الحيدر
------ 3
يالمغرض اذا قرآن عندك ربك امئلفه
عليش اتخالف المنصوص بولاية علي اتحرفه
علي البيت الله كل الناس شافت لمن ايشرفه
بالكعبه حيدر ميلاده
--