الموضوع
:
وفاة الامام موسى الكاظم ع -- موشح --
عرض مشاركة واحدة
#
1
05-28-2011, 10:01 PM
مديــر عام
لوني المفضل
Darkgreen
رقم العضوية :
1
تاريخ التسجيل :
Apr 2011
فترة الأقامة :
4801 يوم
أخر زيارة :
05-22-2024 (02:53 PM)
الإقامة :
الكاظمية المقدسة
المشاركات :
7,694 [
+
]
التقييم :
10
بيانات اضافيه [
+
]
وفاة الامام موسى الكاظم ع -- موشح --
الموسى خل عدنان تتعناله
عالجسر مطروح محد شاله
واويلاه واويلاه
--
وينكم يهله الهواشم وينكم
اشلون تغمض عالهظيمه اعيونكم
لايظل مطروح مثل حسينكم
عافه مرمي اعله الترب چتاله
واويلاه واويلاه
--
نعش هيبتكم رموه فوگ الجسر
ينتظر اهله يشيلوه ينتظر
والشيم عالذله لا ماتصطبر
راهب الكم مادريتوا بحاله
واويلاه واويلاه
--
مادريتوا راهب الكم بالسجن
چم سنه ابقيد الحديد وممتحن
ونتّه للصخر ينفت من يون
ابسجن اظلم والمنيه اگباله
واويلاه واويلاه
--
ابسجن اظلم منحجب منه الضوه
مايمر بيه غير بس ذاك الهوه
نزف دمه القيد بالساگ التوه
وظهره للهم والالم حماله
واويلاه واويلاه
--
وكظم غيظه يالهواشم واصطبر
ليش عنه ماوصل ليكم خبر
وين بالكاظم صفه بيه الدهر
مانشدو اسنني غاب اهلاله
واويلاه واويلاه
--
غاب عنكم لاينسل المصطفى
وعن ابن جعفر جفنكم هم غفه
وسف كل الوسف مامنكم لفه
يمه وي ناعي الحزن ينعاله
واويلاه واويلاه
--
بالحزن حضروا يهالي المرجله
وبدمعكم هالدمع خي ايغسله
ابدار غربه انچتل ياهو اللي اله
ايشيل نعشه ابهيبته واجلاله
واويلا واويلاه
---
شيلوا نعشه لاحماميل التشيل
والدمع من دم على الكاظم يسيل
ودفنوا هيبتكم بصرخات وعويل
ودمعة امصابه تظل هماله
واويلا واويلاه
--
نسئلكم الدعاء
سيد عدنان الحمامي
زيارات الملف الشخصي :
1087837
إحصائية مشاركات »
المواضيـع
الــــــردود
[
+
]
[
+
]
بمـــعــدل : 1.60 يوميا
سيد عدنان الحمامي
مشاهدة ملفه الشخصي
إرسال رسالة خاصة إلى سيد عدنان الحمامي
البحث عن المشاركات التي كتبها سيد عدنان الحمامي