خدم مولاي الحسين روحي فداه
السلام عليكم ورحمة الله



يمن حبك سبيل الفوز بالجنة
نظل خدام إلك يحسين وفقنه
--------------
يمن ذجرك عسل بلسان أنصارك
يمن إسمك غده لدمانه يتشارك
يهون الموت بس لا أترك ديارك
شنهو الموت كون وياك أعيشنه
------------
إلك يرخص عمرنه الراح ويه الجاي
نظل خدام إلك يا سيدي ومولاي
بذكر إسمك نظل أحياء مو بالماي
وتظل مرفوعة بإسمك كل بيارغنه
---------------
بس وياك يحسين العمر يحله
عيشه بلايه حبك سيدي ضحله
خله يلوم بينه الما عرف خله
باجر عالشفاعة يكوم يحسدنه
-----------------
يظل حبك يعيش ويانه مثل الظل
نظل نمشي بخدمتك سيدي منزل
تظل صرختنه مثلك ما نعيش الذل
ويظل كبرك يبو الأحرار مكصدنه
--------------
شعايرنا خسر حظه الجهل سرها
شعايرنا المن الأطهار مصدرها
خله يلوم بينه الهامة نطبرها
ونظل نلطم عليك شما تحاربنه
-------------
عليك الهامة نطبرها لحد الموت
ومواكبنا تظل بإسمك تعلي الصوت
يمن عنك عجز يمنعنا أي طاغوت
ولا الإرهاب كدر عنك يباعدنه
--------------
تظل للناس مصدر دين منابرنا
تظل لللناس مصدر خير شعائرنا
تظل للناس مصدر نور مواكبنا
ويظل حبك على الطيبات يجمعنا




نسألكم الدعاء
خادمكم وتلميذكم
محمد النصراوي