خلي تفرح ناسنه..انولد عباسنه
الليله مولد الكمر
&&&
خلي تفرح شيعتك..تصيح صوت الوالتك..بالفرح بمحبتك
خل تدك اجراسنه.. انولد عباسنه
الليله مولد الكمر
&&&
الليله فرحان الولي..باس جفينه علي..كمر زينب ياهلي
يصيح صوت احساسنه.. انولد عباسنه
الليله مولد الكمر
&&&
انولد جف الكفل..ابن حيدر والفحل..ابن خيرتها العمل
انولد نوماسنه.. انولد عباسنه
الليله مولد الكمر
&&&
الحسن ناده السمه..وعينه صدت فاطمه..وهنه حماي الحمه
صاح يانبراسنه.. انولد عباسنه
الليله مولد الكمر
&&&
حسين فرحان وهله..يظل يبشر بالمله..يصيح راعي القافله
انولد من ساسنه.. انولد عباسنه
الليله مولد الكمر
&&&
حتى لو غاب الكمر..وبينه طال وي السفر..عدنه ثاني بالبشر
هوه تاج براسنه.. انولد عباسنه
الليله مولد الكمر
&&&
صاح صوت المومنين..انولد لاام البنين..ناصر الطف والحسين
تقيد بكراسنه.. انولد عباسنه
الليله مولد الكمر
&&&
خادم اهل البيت
الحاج ابو علي السعيدي