بسمه تعالى
......
هاذي وصيتي ياعلي واسمعني
تنام الخلگ بالظلمه وتشيعني
گبري اريد اتضيعه .. وهلها عليه الدمعه
........
وصت الزهره يحيدر ونته تعلم بالوصيه
ياعلي من تغفه عيني وسبلت للموت أديه
وصوتي بعد متسمعه .... وهلها عليه الدمعه
.......
ياعلي سلبوني ورثي من أبويه الهادي خذته
ومنك أخذوها الوزاره ياصبر هذا الحملته
والصبر مر اتجرعه ...وهلها عليه الدمعه
......
مارعوا حرمه النبيهم ساروا بدرب الظلاله
عميه عدهم هالبصاير حرفوا نهج الرساله
باب السقيفه أمشرعه ... وهلها عليه الدمعه
......
صبوا أحقاد السقيفه والضلع مني تهشم
والصدر جرحه يحيدر مابعد هالجرح يلتم
خل الخليله ايودعه ... وهلها عليه الدمعه
...
رجعوا وعبدوا صنمهم طاعوا أصحاب الجهاله
نكروا أتعاب الصميده وكل جهاده وكل نظاله
للدين غيروا وضعه ... هلها عليه الدمعه
.....
سيد عدنان الحمامي
|