....
بسمه تعالى
....
المستهل
...
كسر الگلب ماينجبر ... يصعب يبويه جبره
مهظومه خلّصت العمر ... آه الضلع ياكسره
ظلموني يالمصطفى – ظلموني يالمصطفى
.....

يالهادي بس عينك غفت -- ضيعوا كل اتعابك

تتآمر اعلينه بحقد -- يوم السقيفه اصحابك

نكروني وآنه امودعه -- عدهم والك متهابك

من صدري كسرولي ضلع -- من لذت آنه ابابك
سطروني ماعدهم رحم
أبچي قهر خلوني
لاغيره بيهم لاذمم
بنت النبي ونكروني
هظموني يالمصطفى .... ضلموني يالمصطفى
.......
بويه عفتني ومن رحت -- بين الحزن بين الهم

بعيني النهار اظلم صبح -- من كثر ما أتألم

ودمعة اعيوني امن القهر -- مو ماي نزلت من دم

والاصعب اعليه واشد – كل المصايب تلتم
عيني عله حسين وحسن
زغار واخاف أعليهم
مابين ظلام ومحن
بويه رحم مابيهم
فجعوني يالمصطفى ... ظلموني يالمصطفى
........
حزن العيله مايصح -- مثله وابد ماينقاس

دمعي وانيني والحزن -- صاروا اليه جلاس

يالهادي والدار الوحي -- خلافك يبويه ينداس

املاك چانت يالنبي -- بدارك تنطره حراس
من عندي ورثي ينسلب
حقي يبويه يغصبوه
وارتكبوا بحقي ذنب
كل ماملكته أخذوه
بچوني يالمصطفى --- ظلموني يالمصطفى
........
گلبي عله حسين وحسن -- والزينب اتلوب الروح

زغار وعليهم لو غبت -- الجرحي يزيدون اجروح

وزينب تظل للنايبه -- مابين دمعات ونوح

چبد الحسن لوشافته -- وحسين بالطف مذبوح
بالطف غريبه وتنسبي
زينب ومحّد يمها
واليحدي بيهن أجنبي
ولا أبوفاضل يمها
يعيوني يالمصطفى – ظلموني يالمصطفلى
.........

ودعت روحي ودنيتي -- وعن الاهل آنه امشيت

اتلگاني بويه وبجرح -- صدري الك بويه جيت

احچيلك بظيم الجره -- احچيلك شكثر ابچيت

اولادي الهم من عفت -- اظلم صبح بويه البيت
صاروا يتامه أمن الزغر
وروحي تظل يم حسين
من تصبح خيامه جمر
بطف كربله متذبحين
ودعوني يالمصطفى --- ظلموني يالمصطفى
......
سيد عدنان الحمامي