يحسين نبقه عالعهد نمشي الك مشايه -- -
بسمه تعالى
--------
يحسين نبقه عالعهد نمشي الك مشايه
راية محمد رايتك كلنه تحت هالرايه
الكربله مشايه -- تجمعنه هالرايه
--------------
راية محمد رايتك يحسين وأحنه اجنودك
من عزمك البينه عزم والزود بينه زودك
وغِيرة العباس البطل بينه وصبر من عودك
للعلگمي او ومايه -- تجمعنه هالرايه
-------------
يحسين يا اعظم وأجل انسان ضحه الدينه
جدك محمد سيدي انطيع أمرك اموصينه
انموت اعله حبك مانزل هذا طبعنه البينه
للعهد وفايه -- تجمعنه هالرايه
-----------------
حصن المحب حبك يظل سور النجاة العالي
ريحانه انته للنبي وللزهره انته الغالي
مال او بنين او بالدمه انضحي الك منبالي
للموت شرايه -- تجمعنه هالرايه
---------------
هاي الملايين الاجت يحسين كلها انصارك
عامر يظل ابكل وكت يحسين عامر دارك
ومن چفك ايفيض الكرم يالتكرم الزوارك
يالمرقدك آيه -- تجمعنه هالرايه
--------------
يالبيك نهج الله اكتمل وفديت اله شبانك
قربان ل الله قدمت دمك ودم رضعانك
تصلح الامه غايتك وتجاهد ابايمانك
للدين هالغايه -- تجمعنه هالرايه
------------
|