.......
المرحوم حسين حاج نصير
.
...
ألك يحسين ابچي دمعة افراگ
وأشارك أمك النوح بعزاها
وأبوك اللي خذت حيله ورحت بيه
المهجته جمر المفارگ چواها
على كل حال تحمد الله هالناس
وتصلي شكر لوله أبتلاها
والفارگ عزيز أيلچمه الفراگ
أله بس رحمة الله وماسواها
نحمده ومانگول اليغضب الرب
وعلى الصابر الرحمه من سماها
رحت يحسين يم حسين ملگاك
والزهره تمرحب بالاجاها
لأن راضع أدموع أمصاب الحسين
وخادم كل سنه تخدم عزاها
تره بحب فاطمه اللي مات ربحان
ونسمة مغفره يشتم هواها
ربيت اعله الشعائر حد صرت شاب
ونته الزينب اتلبي نداها
شرف يحسين ونته خادم حسين
تكفي هالصفه شخصك حواها
ثمرة مغفره أمحصلها ندريك
لأنها الزهره متخيب الرجاها
ناس اللي تحبك عدها أنصاف
لأن طيباتك أيظلن صداها
هنيئاً بالمجالس من يذكروك
لأن من فاطمه أمحصل رضاها
چفن من الحسين اللي رحت بيه
وكل دمعه الك شمعه بضواها
...
سيد عدنان الحمامي