مجالسنه مدارس – مُعلم بيها عابس
مجالسنه .. منابرنه – تدرسّ نهظة حسين
تعلمنه – تدرسنه – فروع ومنهج الدين
خلاصتها – بدراستها – وتثمن طالب الزين
أذا ينجح – غداً يربح – تخلّد طول اللسنين
يرفعتها – بشهادتها – تشّرف للسلاطين
نتيجه أتحصلوها – بشهاده يوقعوها
صفه البيها – متلگيها – ولا حتى ابدولهم
لأن ثاير – ولاصاير – مثل حسين أللهم
ولا أنصاره – وثواره – فلا يوجد مثلهم
لأن قدوه – هُم صفوه – على العالم جعلهم
بالدارين – ويه حسين – ظل خالد أثرهم
ألله أمن اصطفاهم – رايد من وراهم
يوم الطف – لمن أشرف – هاي أعظم بدايه
بعزيمتهم – وهمتهم – صبح واحدهم آيه
يرشدونه – ويعلمونه – درس حُب الولايه
سعادتهم -- بعبادتهم – عدهم أسمى غايه
فروض الله – الكل صله – وبسوح المنايه
صلاه بالطف حييوها – ألموت ومانسوها
الشهم بيهم -- شيلاويهم – أسود بحرب تنهاب
درس نافع – لليدافع – يحمل طعن الحراب
ميتخاذل – ميتنازل – لوله بنحره الصواب
صور كثره – لنا عِبره – فلا يحويهن أكتاب
بصحائفهم – بطوائفهم – كلهم ل ألله أحباب
تمسكوا بالعباده – واليوم اشهاده – جون أويه اليصلون
درس ألنه – درب جنه – نسير بمسلك الخير
منتفرق – بطريق الحق – هدفنه واحد يصير
بتسامحنه -- نمد يدنه – بطيب الخُلق للغير
العِمل صالح -- هوه الرابح – جاهه يصبح أچبير
سعادتنه – باخوّتنه – شؤؤن الوادم أندير
حسين اللي اميره -- عنده الجاره غيره
بمحاورنه -- اليجاورنه -- بعد يصبح أخونه
أذا يهوه -- اله تچوه -- أبد ميهمنه لونه
اليحب جاره – حفظ داره – العتره علمونه
اليجاورهم – محارمهم – يغظ عنهم عيونه
نساعدهم – نساندهم – أذا نخوه نخونه
منابرنه ودرسها – منافع نلتمسها
تعلّمها – والزمها – مبادئى كربله هاي
لاتهلك – جازي أهلك – حقوق الألهم أهواي
طيع اللهم – الأبو والام – لاتخلف لهم راي
من عدنه – رايدنه – حسين أنطبق الهاي
منهاج العقيده – يتنفذ يريده