شافته هيه الخطر..لوح بماي النهر
جفانه..حمانه
بسرعه وبلمح البصر
&&&
هذا ابو فاضل اجه يم الشريعه
عين عل الجربه والاخره عالوديعه
يصيح ياخويه يبو الدمعه الصريعه
حلت علينه النوايب والفجيعه
تحملتها المحن..وتالي يتحيرن
تنشده..تجعده..عيونها مثل المطر
&&&
خويه يعباس اشكيلك نوايب
اني يمك عالنهر وكليبي ذايب
من طحت يم النهر شفت المصايب
كلها خويه مذبحه اشوف الحبايب
لو عاني السهم..نابت بعين العلم
بعيونه..سبونه..كلبي بهمومه انفطر
&&&
من طحت يم النهر خويه نخيتك
كوم انهضلي يخويه ماني اجيتك
شلون تتركني وانه جنت بحميتك
شفت ياخويه الجفوف اشكد بجيتك
انه ام الصبر..تحملت ظيم الكفر
حملته..وقبلته..كله لعيون الكمر
&&&
حشمت روحي العليله وخذت صبره
من وصلت انه النهر حسبالي اخبره
هاجت عليه المواجع بكلبي جمره
يالجبتني خويه تدري أرجعنه اسره
كلمن ويانه رجع..بالهموم انفجع
تشوفه..جفوفه..هموم والكلب انعصر
&&&
اجفوفك وعينك يبو فاضل عمني
دمعي يجري عله اخدودي للكفلني
شرد اجاوبهم لون واحد سئلني
وينه يازينب كفليج راح عني
كلي وين كافلج..يجي هسه ياخذج
للوطن..للحسن..ينوي وياج السفر
&&&
انته ياخويه الجبتني من المدينه
ياهو من بعدك يردني لو مشينه
يحدي بضعن الهواشم تحرسه عينه
تدري من بعد يخويه احنه انسبينه
بالهواشم طبع..مايفاركها الدمع
وضعها..دمعها..شافت انواع القهر
&&&
شفت بعدك من مشيت انه المنيه
وتركت اجساد اخوتي عل الوطيه
ريت لا شافت عيوني الغاضريه
ولاشفت خويه الجره وماتت رقيه
عليك ياخويه نحت..وحدي بالغربه رحت
دموعي..ظلوعي..والكلب خويه انكسر
&&&
خادم اهل البيت
ابو علي السعيدي