:: منتديات السيد عدنان الحمامي :: - عرض مشاركة واحدة

03-21-2016, 08:24 AM

هاي ام البنين شعندك انخاها
بكل شده وحق عباس تلقاها
--
هاي ام البنين امجربيها الناس
هاي الحيدر وللزهره رفعت راس
اطلب حاجتك بس قلها يم عباس
بالزهره عليك وسولف اوياها
--
وياها تسولف حاضره الحره
والله ام البنين الخاطر اتجبره
عدها جاه عند الخالق شكبره
دنيه واخره مهيوبه خلاها
--
مهيوبه وابد مافشلت واحد
شمايطلب طلبته ايحصل وزايد
اطلب يالموالي اطلب شرايد
چم طلبه القضت بالعين شفناها
--
هاي ام البنين الطلب مترده
انچان ابضيك انته وطايح ابشده
انخاها وحق اللي حچه ابمهده
اجبال ام البنين اتزيل دعواها
--
هاي ام البنين الواست الزهره
ولحسين اربعه ضحت فده العمره
سالم رادته وعيونها اتنظره
وهيه بس بچت لحسين عيناها

كثير احسنتم
وربي يزيد بتوفيقكم لخدمة محمد وال محمد ص

ويسلمكم