الى مولاي الامام العباس ع اقول
(218)
&&&
اجفوفه يمه مبتره..الكمر طايح عالثره
&&&
بعينه نابت هالسهم..من طاح شيال العلم
حسين وبكلبه الالم..وزينب تعاين عالحرم
ظلت وحيده محيره
&&&
حسين ظهره منكسر..وبكلبه نيران وجمر
ايشوف بعيون الامر..يصيح خلصان العمر
من طاح سبع الكنطره
&&&
زينب تعاين شافته..محني الظهر من وكفته
عباس طايح عرفته..لحسين سكته صاحته
خبرني خويه بالجره
&&&
حست زينب بالخطر.. من حسين علمه الخبر
عباس طايح عالنهر..الهم ولاهه والكدر
من طاح راعي المفخره
&&&
طاح العمود بخيمتي..وتصيح زينب رجوتي
ظليت خويه بوحدتي..شلي بعد من دنيتي
ظليت خويه محيره
&&&
حسين مكسور الظهر..يوم الوصل يم النهر
مهموم شافه وانقهر..من شاف جفه انبتر
عباس جفه ومنظره
&&&
حسين وي زينب كعد..راح اليوفي بالوعد
وصاني خويه عالعهد..بااخر انفاسه من خمد
وصاني بيج المعذره
&&&
وصاني بيج وصيته..وخبرني عنج خوته
جانت ومنيه منيته..تبقين عمر بصايته
يحميج حره مخدره
&&&
باخر انفاس هالاسم..زينب يختي والنعم
مهضوم لن صابج هظم..وصاني بشد الحزم
قلت يخويه الناصره
&&&
خادم اهل البيت
ابو علي السعيدي