ابوذيات الى العليله ع اقول

&&&
رحل ضعن اخوتي بويه..سراوين
وبعد مااظن يظل عندي..سراوين
مرض وافراك وبروحي..سراوين
كتلني افراكهم ذيج المسيه
&&&
نيران البعد بويه..سنه اله
بروحي وصارت المده..سنه اله
بغيابك فركه محتومه..سنه اله
يتيمه اصبح منو اليمسح عليه
&&&
تدور بروحي يابويه..رحله
يوم الشدت النسوه..رحله
عليله ومااظن باقي..رحله
برحيلك راحتي ماتسوه هيه
&&&
بجفاكم ناحت اعظامي..ولي دار
ومرض وهموم من عدكم..ولي دار
جم موقف الي باقي..ولي دار
انته يوم الرحل ضعنج رقيه
&&&
منو منكم سئل عني..يهلنه
وذكر ايام كظينه..يهلنه
غير الدمع بجفاكم..يهلنه
واساني وصبح خي هوه ليه
&&&
وحك يثرب ومابيه..وهله
دمعتي بحركه انزله..وهله
الدهر لحظات بس روحي..وهله
وبقيت محيره واصفك بديه
&&&

خادم اهل البيت
ابو علي السعيدي