صاح بالكوفه وخطب باارجالها..انه مسلم والا اشل احوالها
&&&
انه مسلم والدي اسمه عقيل..وابن عمي حسين والحادي الكفيل
وعمي حيدر ينعرف حامي الدخيل..وحمزه معروف النسب باابطالها
&&&
احنه بااهل البيت من عدهم وتد..بينه رب الكون وبهاي شهد
قدمينه ارواح حتى البمهد..خل تسولف بالجره وشحالها
&&&
خل تسولف بالجره الكوفه وحصل..يوم عم بالناس بس بيه الجهل
دارت الصوبين ما تعرف خجل..نقضت البيعه بعجل انذالها
&&&
يوم دار الكون بس طوعه تصيح..عليهم بسيفك بس تومي يطيح
انت ابن حيدر وجدكم الذبيح..انت من حسين هوه الكالها
&&&
كوم بيهم افعل افعال الاسود..وخلي كل الجاي مايرجع يعود
عليك ياضرغام كل هاي الحشود..عمك الضرغام جر اوصالها
&&&
بعمك الضرغام بس اندب عليه..تشوف ملج الموت امجتف اديه
انته بس تهوم طايح من تجيه..تشوف ملج الموت فك احبالها
&&&
تشوف كله تلوذ بااكتار الجريب..وماتعرف الصار صاحب لو حبيب
مانفع وياه لا داي وطبيب..من وحيف السيف اخذ امالها
&&&
كله شل الجيش يوم اللي يصول..جنه ابو الحملات ابن فحل الفحول
وجنه حيدر من تشوف الهم يكول..من يجندل بالحرب ابطالها
&&&
صال مسلم يلهج باسم الولي..صاح صوت عل الكفر مايعتلي
غير ابو الحسنين بس هوه علي.. هوه راعي الميمنه وكفالها
&&&
مسلم الكوفه غدر من غدرته..طاح رغم الصار وصه وصيته
كال فدوه الروح اخر موتته..بس يظل راعي الشيم باافعالها
&&&
خادم اهل البيت
ابو علي السعيدي