اللهُم عجّل لوليك الفرج ياالله
قصيدة الى صاحب العصر والزمان
الأمام الحجة المهدي المنتظر عج
المستهل
"""""
انتظرنه اونبقى منتظريك يالمهدي
صبرنه وما يأسنه سيدي اوتدري
بعدالباري عدنا----منو غيرك أملنا
النص
"""'
1-
يااله الكون عجّل للولي محيّ الشريعه
مالنه غيرك يربي عاشگ وعبده يطيعه
زادو الظلام بينا كل ذنبنا لان شيعه
ومعتقدنه بأل طه انبيع دمنا ومانبيعه
""""""
نقدس عترة المختار هادينه
نحبهم حب مدافع لاذ عن دينه
هموم شگد حملنه----منو غيرك املنه
2-
نقسم بعترة نبينا وبكتاب الله المجيد
ارواحنا فدوة للقائم غير حُبه مانريد
ننتخي ونندب ابأسمه ننتظر يوم الوعيد
نسأل الباري ظهوره نندعي ونرفع الايد
"""""""
يربي الفرج منك تنصر المظلوم
ضاگت وسعته لليندبك مهضوم
لأجل وعدك نطرنه----منو غيرك املنه
3-
انته موجود وتشاهد كل عزا لحسين منصوب
ابد مانتساه والله عهد من عدنا يمهيوب
شلون نخذل العقيلة وكل موالي بدمه مكتوب
الثار منتظرك يمهدي ابدم ابو السجاد مخضوب
"""""""
نواسي فاطمة الزهراء المظلومه
نعاين زينب ابكربلا مهضمومه
كتبناهه ابدمعنه----منو غيرك املنه
4-
نفس احقاد أل أمبة ردو بقانون سنوه
اللي يتشهد بربنا وبرسوله ابكفر يبلوه
واللي يتبع أل طه رافضي ودمه يبيحوه
لو گصد زار الأئمة بأي وسيلة يمنعوه
""""""""
نحبكم واحنه شيعتكم يمولانه
نضحّي بروحنا ومتهمنه دنيانه
يالبيك اعتقدنه----منو غيرم املنه
5-
جاهل الينكر طلعتك ياحفيد النبي المختار
مايحصلهه الشفاعة المايعرف الأئمة الابرار
وبكتاب الله المُنزّل واضحة آيات الأطهار
شلون يعبر الصراط المايوالي علي الكرار
""""""""
نبينا الهادي گدام العلن وصاه
آلهي والي كلمن العلي والاه
نقدملك عمرنه----منو غيرك أملنه
ه ه ه ه ه ه ه ه ه ه ه ه ه ه ه ه ه ه ه ه ه
زاهر المعموري