قصائد حسينيه اسم القصيده {اتنادي الزوار}

""""""""""""""""""""""

حگها الزوار الزوار ** أتنادي ياحسين

هيهات منه الذلــــــه ** ابدربــك ماشين

دمعة وعبره ** بين الزهرة ** أبدربك ماشين

********

خلهه تتجند علينـــــــه ** بني العباس وامــــــيَّه

هذا خط كل النواصب ** اعلن امواجه نبيّـــــــه

حارب أوفجر أودرس ** ضد الصرخه الحيدريه

جتمعت اصحاب الجزع

الاّمر الناهي الطمــــــــع

ضد علي افتوا بالبـــــــــدع -- هم أخوه وهم وصيه

ابدرب الاخطارالاخطار ** منهاب انفوت

والشيعه ابحبك مجنونـــه** تسحگ عالموت

بگبره اتحضره ** يبن الزهره** ابدربك ماشين

*********

مرت ازمان وبعدهـــــا** اطّول لايام القيامـــــــــه

وسم للمؤمن امحبتـــــك** ونالها اللأشرف علامـه

أبمال ضحّه عاف داره ** أوروحه وݘفوفه وسامه

اشكال ونواع الفتن

مرت علينه والمحن

بمصايبه دار الزمن ---- وياك بس درب السلامــه

انادي ثارك ثـــــارك ** يايوم الطف

وبيوم الصيحه فجرك ** والعلم رف

الشيعه اتنصره** بين الزهره** ابدربك ماشين

*********

اگلوبنه اتنادئ أوضمائر ** اتصيح لبّيك ابو اليمه

عهد عند الله ورسولـــه ** ابشرف وقّعناه أوذمّـه

يوم من نسمع ونعرف ** حيَ حسين الدين دمـّه

ننصب مآتم بالگــلب

وشعائرك بكل درب

لجلك نواجه الصعب --- عدنه زود أوعزم همَّه

ابيسف الاشعارالاشعار **انجدد عهــــدك

والمنبر يعله صوتـــــــه** ابحبنه أو ودَّك

بعزم أوقُدره** يبن الزهره** ابدربك ماشين

******************************

من يآمن بيك يحيـــــــــــا ** يصعد وياك السفينه

شراعها ݘفوف ابو فاضل** للنجاة اتسير امينـــــه

كل بحر اظلم تعبـــــــــره ** ياحسين ايدك بِدَينــــه

الشاطي أمان اتوصله

والعمل منه تقبلــــــــه

وياخذ ابحبك منزلــــه ---- بكثر تضحيته وحنينـــه

يابو الاحرارالاحـرار ** متحدنه حدود

والطف راياته انعليها ** ونهدم لسدود

أيحصِّل فخره** يبن للزهره** ابدربك ماشين

********

من البشر نوعين ضدَّك ** الماعرف نورك أوأبصــــر

وحاكم اشماكبرملكـــــه ** ايشوف نفســه اگبالك اصغر

جهله ذاك ابلا عــــــذر ** وهذا بأستكباره قــــــــــــرر

بالسوط والنار الحكم

يظلم يعّلم عالظلـــــم

العقل جاهل بي عقم --- ابليلهم لاصبح يظهــــــــــــــر

زمرة اشرار اشرار ** ارهابيه

والسوط ابئيد امركا ** والبعثيه

الشيعي وصبره** يبن الزهره ** ابدربك ماشين

==============================