ناخت بوادي الطفوف ارحالها = آل بيت المصطفى وارجالها

*********

صبح وادي كربله يحِدْ المصير

بيـــن دنيـــه زائلــه وجنّة قدير

وبين ناصر للنبي وماكو نصير

جبهتين وكلمن إلها ارجالها
***********

جبهه للحـﮒ رايه شدّت للكفاح

يقودها سبط النبي رايد اصلاح

وجبهه لمّت خيل ورجال وسلاح

تنوي ذبح الثائر بعسّالها
************

وقابلتها بكل عزم اهل المجد

شبه زلزال بعزمها مـن تشد

والأمل يحديــها لجنان الخلد

تباشرت حين الدنت آجالها
************

حانت الســــــاعه وبده ذاك النزال

بين اهل الهدى وبين اهل الضلال

وســــاهمت ياحيها ربّات الحجال

وقدّمت للموت كل اشبالها
************

صرخه بأسم حسين للباري دِوَت

هدّت عروش الضلاله وما هوت

وبدماها الشرعة الباري روت

ونوّرت بالعز درب اجيالها
************

درس خطّت للأجيال بكل زمان

تعيش مهيوبه بلا ذلّه وهوان

ياسعادة موتنه بسيف وسنان

حي ابو الأحرار لمّن ﮔـالها
************

موعظه من الثائر وسيد الإبه

جلد صير وصير صرخه لاهبه

لاتهاب الطاغي صوتك يرْهِبَه

وخلّي عزمك يهد كل افعالها
***************