الى يوم الغدير وللامام علي ع الان وليد اللحظه اقول (357) بالصوت صيح ويانه ويانه
الى يوم الغدير وللامام علي ع الان وليد اللحظه اقول
(357)
********
بالصوت صيح ويانه ويانه..حيدر علي مولانه مولانه
**********
بصوت صحو ياهلي..اليوم بايعنه علي..غيرك ماعدنه ولي
حتى العرش هنانه هنانه
********
هنت ملائكة السمه..والارض شعت باسمه..بايعنه حماي الحمه
ولبيعته فرحانه فرحانه
*********
فرحت الدنيه ابيعته..والفرح زاد وعلته..بااحلى الجمل من كتبته
حيدر علي عنوانه عنوانه
**********
حيدر علي احلى الجمل..مكتوبه ابلوح الاجل..وللامه صارنه امل
هوه امل دنيانه دنيانه
*********
هو الامل والنه رجه..بيه الشفاعه والشفه..أشلون يومك نوصفه
يومك علي بجانه بجانه
**********
حيدرفتح النه الجسر..لو ردت من يمه تعبر..وعلمنك حبه والصبر
وصار الصبر ميزانه ميزانه
***********
الصبر عنوانك الفحل..يخفف حمولك لو جبل..منهو انضرب بيه المثل
ومنهو القهر عدوانه عدوانه
************
منهو اللي علمنه الوفه..ومنهو العله ايده الشفه..منهو الولي اللي تعرفه
ومنهو لبحر سفانه سفانه
************
ياهو العبر وبيه ودرس..وبين النفس انته تحس..وللشعيه صارلهم ونس
وياهو القلع بيبانه بيبانه
************
ياهو العله من العلي..وياهو اليشيله محملي..وهمومي بيهم تنجلي
وياهو الالك عوانه عوانه
***********
ياهو الالك هو يحضر..بالشده لو جاك القدر..وكلبك بهمومه انعصر
وحالك تغير الوانه الوانه
************
ياهو الشفيع ال امته..يوم الحشر لو نادته..وتصيح تعلن بيعته
هو الحضرني هنانه هنانه
*************
خادم اهل البيت
ابو علي السعيدي
|